فیصل سبزواری، مدیحہ نقوی کے ہاں ننھے مہمان کی آمد
کراچی (قدرت روزنامہ)سینیٹر فیصل سبزواری اور پاکستان کی معروف میزبان مدیحہ نقوی کے ہاں ننھے مہمان کی آمد ہوئی ہے . مدیحہ نقوی نے انسٹاگرام پر بیٹے کی پیدائش کی خوشخبری سناتے ہوئے بے بی شاور کی تصاویر جاری کیں .
View this post on Instagram
اپنی پوسٹ میں مدیحہ نقوی نے کہا کہ اُن کے ہاں بیٹے کی پیدائش تین شعبان کو ہوئی، جوڑے نے بیٹے کا نام سید زائر حسین سبزواری رکھا ہے . مدیحہ نے اپنی پوسٹ میں اللہ تعالیٰ کا شکر ادا کرتے ہوئے مداحوں سے دعاؤں کی درخواست بھی کی .
ساتھ ہی انہوں نے بے بی شاور کی تقریب کا انعقاد کرنے والوں کا بھی خصوصی شکریہ ادا کیا . فیصل سبزواری اور مدیحہ نقوی نے جولائی 2019 میں خاموشی سے شادی کی تھی .
4 اگست 1975 میں پیدا ہونے والے فیصل سبزواری 2002 میں ایم کیو ایم کے سب سے کم عمر رکن صوبائی اسمبلی منتخب ہوئے، 2008 اور 2013 میں بھی رکن سندھ اسمبلی منتخب ہوئے . فیصل سبزواری اس وقت ایم کیو ایم پاکستان کی رابطہ کمیٹی کے رکن ہیں اور انہوں نے گزشتہ برس پہلی بار سینیٹ کا انتخاب لڑا .
