مالی سال 2021-22ئ کے دوران 48 ارب ڈالر کا ریکارڈ تجارتی خسارہ رہا

اسلام آباد (قدرت روزنامہ) مالی سال 2021-22ئ کے دوران 48 ارب ڈالر کا ریکارڈ تجارتی خسارہ کیا گیا ہے ۔ادارہ شماریات نے مالی سال 2021-22ئ کے تجارتی اعداد و شمار جاری کر دیئے ۔اعدادوشمار کے مطابق بارہ ماہ کے دوران تجارتی خسارے میں 55.29 فیصد اضافہ ہوا۔گذشتہ سال درآمدات 80 ارب ایک کروڑ 90 لاکھ ڈالرز رہیں،۔

جولائی تا جون کیدوران برآمدات 31 ارب 76 کروڑ ڈالرز رہیں، ادارہ شماریات کے مطابق ایک سال میں درآمدات میں 41.93 فیصد اضافہ ہوا۔

اس عرصے میں برآمدات میں 25.51 فیصد اضافہ ہوا۔مئی کی نسبت جون میں تجارتی خسارے میں 33.42 فیصداضافہ ہوا۔جون 2022 میں تجارتی خسارہ 4 ارب 83 کروڑ 50 لاکھ ڈالرز رہا۔جون میں درآمدات 7 ارب 72 کروڑ 20 لاکھ ڈالرز رہیں۔اس عرصے میں برآمدات 2 ارب 88 کروڑ 70 لاکھ ڈالرز رہیں۔