نور مقدم کیس؛ ظاہر جعفر نے سزائے موت کیخلاف سپریم کورٹ سے رجوع کرلیا

اسلام آباد(قدرت روزنامہ) نور مقدم قتل کیس کے مرکزی مجرم ظاہر جعفر نے سزائے موت کے خلاف سپریم کورٹ میں اپیل دائر کردی۔ایکسپریس نیوز کے مطابق نور مقدم کے قاتل ظاہر جعفر نے اسلام آباد ہائی کورٹ کے فیصلے کے خلاف اعلیٰ عدلیہ میں دائر اپیل میں کہا ہے کہ ٹرائل کورٹ اور ہائی کورٹ نے شواہد کا درست جائزہ نہیں لیا، غلطیوں سے بھرپور ایف آئی آر پر سزا دینا انصاف کے اصولوں کے منافی ہے۔
درخواست میں کہا گیا ہے کہ جن شواہد کو پذیرائی دی گئی وہ قانون شہادت کے مطابق قابل قبول نہیں، اسلام آباد ہائی کورٹ کا سزائے موت کا فیصلہ کالعدم قرار دیا جائے، سزائے موت کالعدم قرار دیتے ہوئے بری کرنے کا حکم دیا جائے۔
واضح رہے کہ ظاہر جعفر کو ٹرائل کورٹ نے ایک جرم میں عمرقید اور دیگر جرائم میں سزائے موت سنائی تھی، اسلام آباد ہائی کورٹ نے عمر قید کو سزائے موت میں تبدیل کر دیا تھا، ظاہر جعفر کو مجموعی طور پر گیارہ سال سزا اور پانچ لاکھ روپے جرمانہ بھی کیا گیا ہے۔

شیئر