رمضان میں مفت آٹا کہاں تقسیم ہوا؟ مریم اورنگزیب نے بتا دیا

اسلام آباد (قدرت روزنامہ)وفاقی وزیرِ اطلاعات و نشریات مریم اورنگزیب نے کہا ہے کہ رمضان میں پنجاب، خیبر پختون خوا، سندھ اور اسلام آباد میں مفت آٹا فراہم کیا گیا۔سماجی رابطے کی ویب سائٹ ٹوئٹر پر جاری کیے گئے بیان میں انہوں نے کہا ہے کہ کروڑوں غریبوں کو مہنگائی میں پوری شفافیت اور ایمانداری سے مفت آٹا فراہم ہوا۔
مریم اورنگزیب کا کہنا ہے کہ وزیرِ اعظم شہباز شریف نے مفت آٹا فراہمی کی خود نگرانی کی۔

رمضان میں پنجاب،خیبرپختونخوا , سندھ اور اسلام آباد میں کروڑوں غریبوں کو اس مہنگائی میں پوری شفافیت اور ایمان داری سے مفت آٹا فراہم ہوا، وزیراعظم شہباز شریف نے خود نگرانی کی، شہروں کے دورے کرکے جائزہ لیا۔ تاریخی سکیم کی کامیابی میں انتظامی افسران اور عملے نے دن رات محنت کی جو…

— Marriyum Aurangzeb (@Marriyum_A) April 29, 2023

انہوں نے مزید کہا کہ وزیرِ اعظم شہباز شریف نے شہروں کے دورے کر کے جائزہ لیا۔وفاقی وزیر کا یہ بھی کہنا ہے کہ تاریخی اسکیم کی کامیابی میں انتظامی افسران اور عملے نے دن رات محنت کی جو قابلِ ستائش ہے۔