شہر میں کہیں کچرا نظر نہ آئے، میئر کراچی کی متعلقہ محکموں کو ہدایت
کراچی (قدرت روزنامہ)میئر کراچی مرتضیٰ وہاب نے ہدایت کی ہے کہ شہر میں کہیں کچرا نظر نہ آئے،سڑکوں کی صفائی خود مانیٹر کروں گا۔
میئر کراچی مرتضیٰ وہاب کی زیرِ صدارت سندھ سالڈ ویسٹ مینجمنٹ بورڈ اور محکمۂ انجینئرنگ کا اجلاس ہوا۔میئر کراچی کو 12 ربیع الاوّل کے موقع پر شہر کی صفائی ستھرائی سے متعلق بریفنگ دی گئی۔
Convened a meeting with solid waste team regarding preparation for Rabi Ul Awal pic.twitter.com/JPZ9MHlTvl
— Murtaza Wahab Siddiqui (@murtazawahab1) September 28, 2023
میئر کراچی مرتضیٰ وہاب نے اجلاس کے دوران ہدایات جاری کرتے ہوئے کہا کہ کے ایم سی کی زیرِ انتظام سڑکوں کے انفرا اسٹرکچر کو بہتر بنایا جائے، انڈر پاسز کی تزئین اور صفائی ستھرائی کے کاموں میں تیزی لائی جائے۔
انہوں نے ہدایت کی کہ متعلقہ چیف انجینئر خود سڑکوں پر گڑھوں کو فوری بھرنے کا انتظام کریں، 15 دن کا وقت دے رہا ہوں 16 ویں دن خود شہر کا دورہ کروں گا۔
مرتضیٰ وہاب کا کہنا ہے کہ سڑکوں کے انفرااسٹرکچر کی مکمل نگرانی شروع کر دی ہے، کے ایم سی میں صرف وہ رہے گا جو کام کرے گا۔
مرتضیٰ وہاب کی ریبیز ڈے واک میں شرکت
دوسری جانب میئر کراچی بیرسٹر مرتضیٰ وہاب نے عالمی ریبیز ڈے کے موقع پر آگہی واک میں بھی شرکت کی۔
KMC, Indus Hospital & Dow University organised an awareness walk on World Rabies Day at Burns Garden. Citizens are urged to get the ARV Vaccine in case of dog bite & avoid any local solution since rabies is fatal. KMC along with Sindh Govt is also working on neutering the dogs pic.twitter.com/cdua8NVZf3
— Murtaza Wahab Siddiqui (@murtazawahab1) September 28, 2023
اس موقع پر ان کا کہنا ہے کہ ریبیز کنٹرول پروگرام کے تحت اقدامات کر رہے ہیں، ریبیز سے متاثرہ کتوں کے لعاب میں وائرس ہوتا ہے جو کاٹنے سے متاثرہ فرد میں منتقل ہو جاتا ہے۔
مرتضیٰ وہاب نے مزید کہا ہے کہ سگ گزیدگی پر کنٹرول کے پروگرام کا دائرہ کار بڑھایا جائے گا۔انہوں نے یہ بھی کہا ہے کہ کتوں کی نس بندی کرنا ہی معاملے کا واحد حل ہے۔
