’ڈرٹی پکچر‘ کو میرا کیرئیر تباہ کرنے والی فلم ٹھہرایا گیا تھا، ودیا بالن

اسلام آباد (قدرت روزنامہ)بالی ووڈ اداکارہ ودیا بالن نے اپنی فلم ’دی ڈرٹی پکچر ’ کے حوالے سے بات کرتے ہوئے کہا ہے کہ اس وقت بہت سے لوگوں نے انھیں اس فلم میں کام کرنے سے روکا اور کہا کہ ’ یہ میرے کیریئر کو تباہ کردے گا . ‘
بالی ووڈ اداکارہ ودیا بالن نے حال ہی میں 2011 کی فلم ’دی ڈرٹی پکچر‘ میں سلک اسمتھا کا کردار نبھانے کے دوران درپیش چیلنجز کے بارے میں بتایا .

گوا میں 54 ویں انٹرنیشنل فلم فیسٹیول آف انڈیا سے خطاب کرتے ہوئے ودیا بالن نے انکشاف کیا کہ انہیں ان لوگوں کی جانب سے مایوسی کا سامنا کرنا پڑا جن کا خیال تھا کہ یہ کردار ادا کرنے کےفیصلے سے ان کے کیریئر پر منفی اثر پڑے گا . ’
تقریب بات کرتے ہوئے ودیا بالن نے کہا کہ ’میں ’سلک اسمتھا‘ کا کردار ادا کرنے کے لئے بہت پرجوش تھی . ‘
ودیا نے بتایا کہ ’ لوگ سمجھتے تھے کہ میں یہ کردار نہیں کر سکتی لیکن میں جانتی تھی کہ میں یہ کرسکتی ہوں مجھے ایک جنون تھا چنانچہ میں نے فورا اس کے لئے حامی بھر لی . ’
ملن لوتھریا کی ہدایتکاری میں بننے والی یہ فلم ساؤتھ انڈین آنجہانی اداکارہ سلک اسمتھا سے متاثر تھی .
سلک اپنی غیر معمولی پرکشش شخصیت کی وجہ سے بہت کم وقت میں شہرت حاصل کرنے لگیں اور 1996 میں صرف 35 سال کی عمر میں پراسرار طور پر انتقال کرگئیں .
ودیا نے بتایا کہ ’ڈرٹی پکچر‘ سلک اسمتھا کی زندگی پر مبنی ایک سوانحی میوزیکل ڈراما تھا .
’دی ڈرٹی پکچر‘ میں اپنی شمولیت کے بارے میں شکوک و شبہات کو دور کرتے ہوئے ودیا نے سلک اسمتھا کا کردار ادا کرنے کے امکان پرخوشی کا اظہار کیا .
اس فلم نے نہ صرف ودیا کی ایک اداکارہ کے طور پر ورسٹائل صلاحیت کو ظاہر کیا بلکہ اس کے کردار کے لئے تنقیدی تعریف بھی حاصل کی .
فلم کی کاسٹ میں ودیا کے علاوہ عمران ہاشمی، نصیر الدین شاہ اور تشار کپور شامل تھے .
ملن لوتھریا کی ہدایت کاری میں بننے والی اس فلم کو دنیا بھر میں تامل، تیلگو اور ہندی میں بھی دیکھا گیا .