متحدہ عرب امارات سے پاکستانیوں نے نومبر میں کتنا زرمبادلہ بھیجا ؟ جانیے

دبئی(قدرت روزنامہ)متحدہ عرب امارات سے پاکستانیوں نے نومبر میں کتنا زرمبادلہ بھیجا ؟ اس حوالے سےسٹیٹ بینک نے اعدادوشمارجاری کیے ہیں ۔ تفصیلات کے مطابق یو اے ای میں کام کرنے والے پاکستانیوں کی ترسیلات زرمیں نومبرکے دوران سالانہ بنیادوں پر8فیصدکی نمو ریکارڈکی گئی ہے۔ نومبرکے دوران یواے ای میں کام کرنے والے پاکستانیوں نے 409 ملین ڈالرکازرمبادلہ ملک ارسال کیا جوگزشتہ مالی سال کی اسی مدت کے مقابلہ میں 8 فیصدزیادہ ہے۔
اکتوبرکے مقابلے میں نومبرمیں یواے ای سے ترسیلات زرمیں ماہانہ بنیادوں پر14 فیصدکی کمی ریکارڈکی گئی ہے، اکتوبرمیں یواے ای سے ترسیلات زرکاحجم 474ملین ڈالرریکارڈکیاگیا جونومبرمیں کم ہوکر409ملین ڈالرہوگیا۔جاری مالی سال کے دوران سمندرپارکام کرنے والے پاکستانیوں کی مجموعی ترسیلات زرکاحجم 11.045ارب ڈالرریکارڈکیاگیاہے۔