ثانیہ مرزا نے عید پر کس معروف پاکستانی ڈیزائنر کا جوڑا پہنا اور ہاتھ میں پہنی گھڑی کی قیمت کیاہے ؟ حیران کن انکشاف

حیدرآباد (قدرت روزنامہ)بھارت کی معروف سابق ٹینس سٹار ثانیہ مرزا نے پاکستانی کرکٹر شعیب ملک سے علیحدگی کے بعد پہلی عید منانے کے لیے پاکستانی معروف فیشن ڈیزائنر کے جوڑے کا انتخاب کیا ہے جبکہ ہاتھ میں انتہائی قیمتی رولیکس کی گھڑی بھی پہنی۔
تفصیلات کے مطابق ثانیہ مرزا نے رواں سال رمضان المبارک کی خاص تصاویر مداحوں کے ساتھ شیئر کیں اور اب عیدالفطر کے موقع پر انہوں نے اپنے بیٹے اور والدین کیساتھ خصوصی تصاویر بھی سوشل میڈیا کی زینت بنائیں۔مذکورہ تصاویر میں ثانیہ مرزا نے ہلکی سرمئی لمبی قمیض کے ساتھ سٹریٹ ٹراؤزر زیب تن کر رکھا ہے جبکہ ان کے بیٹے اذہان مرزا ملک سفید لباس میں ملبوس نظر آئے۔
یوں تو اس عید کی مناسبت سے ثانیہ مرزا کی فیملی کے تمام افراد نے دلکش جوڑے پہنے لیکن ثانیہ مرزا کا لباس سب کی توجہ کا مرکز بن گیا۔دراصل ثانیہ مرزا نے عیدالفطر کے خاص موقع پر پاکستانی معروف فیشن ڈیزائنر نومی انصاری کا جوڑا زیب تن کیا اور ایک الگ پوسٹ انسٹاگرام پر شیئر کرتے ہوئے نومی انصاری کو ٹیگ بھی کیا۔
ثانیہ مرزا نے اپنے انتہائی خوبصورت جوڑےکے ساتھ ’ رولیکس کی گھڑی پہنی جس کا ماڈل ’ رولیکس ڈیٹجسٹ 36 اویسٹر‘ ہے ، اس گھڑی کی قیمت تقریبا 37 لاکھ روپے پاکستانی ہے ۔
سوشل میڈیا صارفین کی جانب سے ثانیہ مرزا کا یہ دلکش لُک بے حد پسند کیا جارہا ہے اور سب ان کے بہترین انتخاب کی تعریف بھی کر رہے ہیں۔یاد رہے کہ ثانیہ مرزا نے سال 2021 میں بھی عید کے تہوار پر نومی انصاری کا ہی جوڑا زیب تن کیا تھا جو مداحوں کی جانب سے بے حد پسند بھی کیا گیا تھا۔