گیلا من وزیر کے قاتلوں کو فوری گرفتار کیا جائے، نصر اللہ زیرے
کوئٹہ(قدرت روزنامہ)ملی شاعر گیلامن وزیر کا کوئٹہ میں غائبانہ نماز جنازہ ادا کیا گیا نمازہ جنازہ میں پشتونخوا نیشنل عوامی پارٹی اور عوامی نیشنل پارٹی کے کارکنوں نے بڑی تعداد میں شرکت میونسپل کارپوریشن کوئٹہ کے سبزہ زار میں نماز جنازہ میں سابق صوبائی وزیر عبید اللہ بابت اور نصر اللہ زیرے سمیت سینکڑوں کارکنوں نے شرکت کی اس موقع پر عبید اللہ بابت اور نصر اللہ زیرے نے اپنے خطاب میں کہا کہ ملی شاعر گیلا من وزیر کو جس طرح تشدد کے بعد قتل کیا گیا آج تک ان کے قاتل گرفتار نہیں ہوئے قاتلوں کو فوری طور پر گرفتار کیا جائے کیونکہ قاتلوں کے نشاندہی ہو چکی ہے قانون نافذ کرنے والے اداروں کی ذمہ داری ہے کہ وہ ملی شاعر کے قتل میں ملوث قاتلوں کو فوری طور پر گرفتار کر کے انہیں قرار واقعی سزا دی جائے نماز جنازے میں پشتونخوا نیشنل عوامی پارٹی اور عوامی نیشنل پارٹی کے کارکنوں کے علاوہ کوئٹہ کے شہریوں نے کثیر تعداد میں شرکت کی اور دعا کی کہ اللہ تعالی ملی شاعر گیلا من وزیر کو جنت الفردوس میں اعلی مقام اور پسماندگان کو صبر جمیل عطا فرمائے۔