کوئٹہ، فاطمہ جناح اسپتال میں داخل مریض میں کانگو کی تصدیق

کوئٹہ(قدرت روزنامہ)صوبہ بلوچستان کے دارالخلافہ کوئٹہ میں واقع فاطمہ جناح اسپتال میں داخل مریض میں کانگو وائرس کی تصدیق ہوئی ہے۔فاطمہ جناح اسپتال کی انتظامیہ کے مطابق 14 سال کے مریض کا تعلق کوئٹہ سے ہے جسے گزشتہ روز اسپتال لایا گیا تھا۔اسپتال انتظامیہ نے کہا ہے کہ بلوچستان میں رواں سال کانگو وائرس کے 30 مریضوں کو اسپتال لایا گیا ہے۔ہے۔محکمہ صحت بلوچستان کے انچارج لیبارٹری نے کہا ہے کہ بلوچستان میں رواں سال 30 مریضوں میں کانگو وائرس کی تشخیص ہوئی ہے۔اسپتال انتظامیہ کے مطابق رواں سال کانگو وائرس سے متاثرہ 5 مریضوں کا انتقال ہوا ہے۔