بلوچستان بھر میں نان رجسٹرڈ گاڑیوں کیخلاف کارروائی کا آغاز

کوئٹہ(قدرت روزنامہ)بلوچستان بھر میں غیر رجسٹرڈ گاڑیوں کے خلاف مہم کا آغاز کردیاگیا ۔سیکرٹری ایکسائز اینڈ ٹیکسیشن بلوچستان ظفر علی بخاری کے مطابق بلوچستان بھر میں تین روزہ مہم کا آغاز کیا گیا ہے جس میں غیر رجسٹرڈ گاڑیوں کے خلاف محکمہ ایکسائز کا عملہ ہر اضلاع میں کارروائی کررہا ہے ۔انہوں نے بتایا کہ مہم کے دوران گاڑی کا ٹیکس ادا نہ کرنےوالوں سمیت جعلی نمبر پلیٹ لگانے والے افراد کے خلاف بھی کارروائی کی جائے گی ۔انہوں نے کہا کہ 3 روزہ مہم میں محکمے کا تمام عملہ حصہ لے رہا ہے ۔