مایا علی کو سیلون میں کام کرنے والی خاتون نے کیسے مُتاثر کیا؟
مایا علی نے تصویر شیئر کرتے ہوئے کیپشن میں لکھا کہ ’زندگی آپ کو روزانہ کی بنیاد پر سبق سِکھاتی ہے، یہ سب آپ پر منحصر ہے کہ آپ انہیں کیسے لینا چاہتے ہیں . ‘ اداکارہ نے خاتون کا ذکر کرتے ہوئے لکھا کہ ’آج، میں اس متاثر کن لڑکی سے ایک بیوٹی سیلون میں ملی اور واقعی اس کی کہانی آپ سب کے ساتھ شیئر کرنا چاہتی تھی، اس کا اعتماد، اس کے کام کی اخلاقیات، اس کی ہنسی اور خاص طور پر اس کے کام کے لیے اس کے جنون نے مجھے یہ لکھنے پر آمادہ کیا . ‘ مایا علی نے بھی کاروباری دُنیا میں قدم رکھ دیا اُنہوں نے لکھا کہ ’اس لڑکی کا 4 سال قبل ایکسیڈنٹ ہوا تھا جس میں اس نے اپنی ٹانگ کھو دی تھی اور مصنوعی ٹانگ کے ساتھ زندگی گزارنے لگی . کسی کے ساتھ ایسا ہونا موت کی طرح ہے لیکن اس لڑکی کی طاقت اس کا خاندان اور اس کی ماں تھیں . ‘ مایا علی نے کہا کہ ’یہ لڑکی اللّہ تعالیٰ پر اعتماد کے ساتھ اپنی زندگی میں مضبوطی سے واپس آئی اور ہر ایک کے لیے مثال قائم کی . ‘ اداکارہ نے کہا کہ ’جب میں نے اس لڑکی سے بات چیت کی تو اس نے مجھے ایک خوبصورت مسکراہٹ کے ساتھ یہ بتایا کہ مجھے صرف خریداری یاد آتی ہے کیونکہ میں جلدی تھک جاتی ہوں . ‘ مایا علی کے اچھے اور برے وقت کا ساتھی کون ہے؟ اُنہوں نے کہا کہ ’اس لڑکی کی مُتاثر کُن کہانی سُن کر مجھے احساس ہوا کہ ہمارے پاس اللّہ تعالیٰ کا شکر ادا کرنے کے لیے بہت کچھ ہے . ‘ آخر میں مایا علی نے خاتون سے مخاطب ہوتے ہوئے کہا کہ ’نتاشا! آپ ایک ہیرو ہیں اور بہت سے لوگوں کے لیے ایک بہترین مثال ہیں، اللّہ آپ کو ہمیشہ اسی طرح ہنستا مسکراتا رکھے . ‘ . .
