ڈینگی پر قابو پانے کے لیے محکمہ صحت نے کون سا نیا طریقہ اختیار کیا ؟
سی ای او ہیلتھ کا کہنا ہے کہ مچھلیوں کو محکمہ صحت نے محکمہ فشریز کی مدد سے پانی میں چھوڑا ہے کیونکہ چھوٹےسائز کی مچھلیاں ڈینگی لاروا کھاتی ہیں . خاص قسم اور خاص سائزکی یہ مچھلیاں ڈینگی لاروا کے خاتمے میں مددگار ثابت ہوں گی . انہوں نے بتایا کہ راولپنڈی میں ڈینگی کی روک تھام اور خاتمےکے لیے ہر طریقہ کار استعمال کیا جا رہا ہے . واضح رہے کہ محکمہ صحت پنجاب کی رپورٹ کے مطابق گزشتہ 24 گھنٹوں کے دوران ڈینگی کے مزید 118 کیسز رپورٹ ہوئے ہیں جن میں سے 102مریضوں کا تعلق راولپنڈی سے ہے . محکمہ صحت پنجاب کے مطابق گزشتہ 24 گھنٹوں کے دوران چکوال اور سیالکوٹ سے 2،2 جبکہ لاہور سے ڈینگی کے 3 کیسز رپورٹ کیے گئے ہیں . اسی طرح پاکپتن، چنیوٹ، رحیم یار خان، سرگودھا، فیصل آباد، اٹک، قصور اور گوجرانوالا سے ڈینگی کا ایک ایک مریض سامنے آیا ہے . محکمہ صحت پنجاب کے مطابق رواں سال اب تک پنجاب میں ڈینگی وائرس کے 3 ہزار 403 کیسز رپورٹ کیے جا چکے ہیں . . .
