اہم ملاقات میں گھریلو کپڑے کیوں پہنے؟ صحافی کے سوال پر زیلنسکی کا معنی خیز جواب

واشنگٹن (قدرت روزنامہ)یوکرین کے صدر ولادیمیر زیلنسکی نے حال ہی میں واشنگٹن میں امریکی صدر ڈونلڈ ٹرمپ سے ملاقات کی جس میں دو اہم امور پر تبادلہ خیال کیا گیا جس میں ایک اہم معدنی معاہدہ اور یوکرین پر روس کے حملے کو ختم کرنے میں مدد کے لیے امریکی حمایت۔ تاہم وائٹ ہاؤس میں ملاقات کے دوران جس چیز نے لوگوں کی توجہ مبذول کروائی، وہ زیلنسکی کے لباس کا انتخاب تھا۔
میڈیا رپورٹس کے مطابق ولادیمیر زیلنسکی نے ڈونلڈ ٹرمپ سے ملاقات کے وقت سادہ سی سیاہ ٹی شرٹ اور پینٹ پہن رکھی تھی، چونکہ عام طور پر ممالک کے سربراہ ملاقات کے لیے 3 پیس سوٹ کا انتخاب کرتے ہیں۔
رپورٹ کے مطابق اوول آفس میں ٹرمپ کے ساتھ گفتگو کے دوران، پریس کے ایک رکن نے زیلنسکی سے پوچھا کہ وہ ملک کے ”اعلیٰ ترین“ دفتر کے دورے کے دوران سوٹ کیوں نہیں پہنا؟
رپورٹر برائن گلین نے ان سے پوچھا کہ آپ سوٹ کیوں نہیں پہنتے؟ کیا آپ کے پاس سوٹ ہے؟
نامہ نگار کی جانب سے زیلنسکی سے اس سوال پوچھے جانے کے بعد نائب صدر جے ڈی وینس بھی ہنس پڑے۔
زیلنسکی نے رپورٹ کے سوال کا جواب دیتے ہوئے کہا کہ میں ایک سوٹ اس وقت پہنوں گا جب یہ جنگ ختم ہو جائے گی۔ شاید آپ کی طرح یا شاید اس سے بھی بہتر۔
رپورٹر کے سوال سے قبل ٹرمپ نے بھی یوکرین کے صدر کے لباس کو دیکھ کر تبصرہ کیا تھا۔ جیسے ہی صدر ولادیمیر زیلنسکی ویسٹ ونگ میں اپنے موٹر کیڈ سے باہر نکلے، صدر ڈونلڈ ٹرمپ نے فوری طور پر ان کے لباس کو دیکھتے ہوئے طنزیہ انداز میں کہا کہ آج آپ پوری طرح سے تیار ہیں۔