بلاول بھٹو نے کرتاپور راہداری کا کریڈٹ والدہ کو دے دیا
انہوں نے پاکستان سمیت دنیا بھر میں آباد سکھ برادری کو گرونانک کے یوم پیدائش کی مبارکباد دی اور گرونانک کے یوم پیدائش پر دنیا بھر سے پاکستان آنے والے سکھ یاتریوں کو خوش آمدید کہا . بلاول بھٹو نے مزید کہا کہ پاکستان سکھ یاتریوں کا دوسرا گھر ہے . گرونانک نے بھائی چارے اور انسانیت دوستی کا پیغام دیا . ان کا کہنا تھا کہ 1973ء کا آئین پاکستان میں آباد تمام اقلیتوں کو یکساں حقوق کی ضمانت دیتا ہے . جبکہ وزیراعلیٰ پنجاب سردار عثمان بزدار نے سکھ برادری کو باباگرونانک جی کے 552 ویں جنم دن پر مبارکباد دیتے ہوئے کہا کہ بابا گورونانک کا جنم دن سکھ برادری کے لئے خوشیوں بھرا تہوار ہے، سکھ برادری کو پنجاب آمد پر جی آیاں نوں کہتے ہیں، ہر سال سکھ برادری کی مہمان نوازی کر کے دلی خوشی ہوتی ہے . واضح رہے کہ بابا گرونانک کے جنم دن کی تقریبات کے حوالے سے پاکستان نے سکھ برادری کیلئے خصوصی اقدامات کیے ہیں، کرتار پور راہداری اور واہگہ بارڈر کو انڈین سکھ برادری کیلئے کھولا گیا ہے تاکہ وہ اپنی مذہبی رسومات احسن طریقے ادا کر سکیں . جبکہ ننکانہ صاحب میں بابا گرونانک کے جنم دن کی تقریبات کا آغاز ہوگیا ہے . تقریبات کا آغاز سکھوں کی مذہبی رسم اکھنڈ پاٹھ سے کیا گیا . مرکزی تقریب 19 نومبر کو گردوارہ جنم استھان ننکانہ صاحب میں ہوگی . پاکستان سمیت دنیا بھر سے سکھ جتھوں کی بابا گرو نانک کی برسی کی تقریبات کے لیے کرتار پور آمد کا سلسلہ جاری ہے . بابا گرونانک کے جنم دن کی تقریبات میں دنیا بھر سے ہزاروں سکھ یاتری شریک ہیں . سکھ یاتری آج گرودوارہ سچا سودا کی یاترا بھی کریں گے . پنجاب کانگریس کے صدر نوجوت سنگھ سدھو بھی پاکستان آئیں گے . بھارتی میڈیا کے مطابق نوجوت سنگھ سدھو 2019ء میں بھی کرتارپور آئے تھے ، اور بابا گرونانک کے جنم دن کے موقع پر پاکستان آنے پر یہ ان کا دوسرا دورہ ہوگا . . .
