لارا یا ٹنڈولکر، بہترین بلے باز کون؟

اسلام آباد (قدرت روزنامہ)سابق پاکستانی فاسٹ بولرز وسیم اکرم اور وقار یونس نے ویسٹ اینڈیز کے سابق کرکٹر برائن لارا کو دنیائے کرکٹ کا سب سے بہترین بلے باز قرار دے دیا ہے۔حال ہی میں وسیم اکرم اور وقار یونس نے ایک ویب چینل کے شو میں بطور مہمان شرکت کی۔
اس شو میں وسیم اکرم اور وقار یونس سے پوچھا گیا کہ اگر انہیں برائن لارا یا سچن ٹنڈولکر میں سےکسی ایک کو بہترین بلے باز منتخب کرنے کو کہا جائے تو کس کا انتخاب کریں گے؟وسیم اکرم اور وقار یونس، دونوں نے ہی اس سوال کا جواب دیتے ہوئے کہا کہ ’وہ برائن لارا کا انتخاب کریں گے‘۔یہاں تک کہ وسیم اکرم اور وقار یونس سے یہ پوچھا گیا کہ ’اگر وہ کسی کھلاڑی کا دماغ پڑھنا چاہیں گے تو کس کا دماغ پڑھیں گے؟‘
وسیم اکرم نےاس سوال کا جواب دیتے ہوئےکہا کہ ’اگر وہ کسی کھلاڑی کا دماغ پڑھنا چاہیں گے تو وہ ویسٹ انڈیز کے سابق کپتان لارا کا دماغ پڑھیں گے، کیونکہ وہ یہ جاننا چاہیں گے کہ وہ برائن لارا کو کیسے آؤٹ کرسکتے ہیں‘۔
جبکہ وقار یونس نے اس سوال کے جواب میں کہا کہ’یہ ایک مشکل سوال ہے‘۔ انہوں نے مزید کہا کہ ’ہم نے بہت سارے لیجنڈز کے ساتھ کھیلا، شو میں موجود ان کے دوست (وسیم اکرم ) بھی گیم کے لیجنڈ ہیں تو، وہ وسیم کا دماغ پڑھنا چاہیں گے جب وہ بولنگ کر رہے ہوں‘۔