چئیرمین نیب کا پیشی سے انکار، پبلک اکاؤنٹس کمیٹی برہم
ان کے آنے پر پھولوں کے ہار پہنائیں گے ان سے نیب آڈٹ اعتراضات پر بات ہوگی . ایک ہفتے میں چیئرمین نیب کمیٹی کے سامنے پیش نہ ہوئے تو پھر اپنے اختیارات استعمال کریں گے . تفصیلات کے مطابق نورعالم خان کی زیر صدارت پبلک اکاؤنٹٹس کمیٹی کی ذیلی کمیٹی کا اجلاس ہوا جس میں قومی احتساب بیورو کی آڈٹ کا رپورٹ کا جائزہ لیا گیا . اجلاس میں چیئرمین نیب اور پرنسپل اکاﺅنٹ آفیسر کے نہ آنے پر کنوینر کمیٹی نورعالم خان نے برہمی کا اظہار کیا ہے . نورعالم خان نے کہا کہ چیئرمین نیب کو کہا تھا ذاتی حملے نہیں کریں گے . میں خود نیب آفس گیا اور چائے بھی پی تھی . انھوں نے کہا کہ نیب والے اگر آئین کو نہیں مانتے تو ہم کیا کریں . چیئرمین نیب نہ بھی آئیں پرنسپل اکاؤنٹ آفیسر کو آنا پڑے گا . انھوں نے مذید کہا کہ میں کسی سے نہیں ڈرتا . میری زمینیں زیادہ نہیں، کم ہوئی ہیں . مجھے لکھ کے دیں کہ پرنسپل اکاؤنٹ آفیسر نے کب آنا ہے . نور عالم کا کہنا ہے کہ چئیرمین نیب لکھ کے نہیں دینگے تو اپنے اختیارات کا استعمال کروں گا . اس موقع پراجلاس میں موجود نیب حکام نے کہا کہ ہمیں تھوڑا سا وقت دے دیں تاکہ تیاری کیساتھ آئیں . کمیٹی رکن نوید قمر نے کہا کہ مسئلہ وقت کا نہیں نیب والے چاہتے ہیں چیئرمین نیب نہ آئیں . چیئرمین نیب کے آنے سے ان کا وقار بڑھےگا . نور عالم خان نے کہا کہ چیئرمین نیب آئیں تو میں خود ان کا استقبال کروں گا . گل پاشی بھی کروں گا . کنوینرنورعالم خان نے خواجہ آصف اور نوید قمر کے کہنے پرحکام کو نیب پرنسپل اکاؤنٹ آفیسر کو ایک ہفتہ کا وقت دے دیا . . .
