ڈونلڈ ٹرمپ کے بروقت اقدامات نے جنوبی ایشیا کو تباہی سے بچایا، وزیراعظم
سعودی عرب اور ترکیہ کے ساتھ مل کر علاقائی دفاع یقینی بنائیں گے، پائیدار امن ہی عوام کی خوشحالی اور روشن مستقبل کی ضامن ہے؛ شہباز شریف کا مکہ دفاعی معاہدے پر امریکی صدر ڈونلڈ ٹرمپ کی حمایت کا خیرمقدم
اسلام آباد(قدرت روزنامہ)وزیراعظم پاکستان شہباز شریف نے تاریخی ‘مکہ مشترکہ دفاعی معاہدے’ پر امریکی صدر ڈونلڈ ٹرمپ کے تائیدی بیان اور حمایت کا پرتپاک خیرمقدم کرتے ہوئے ان کا شکریہ ادا کیا ہے۔ اس سلسلے میں اپنے ایک اہم بیان میں وزیراعظم شہباز شریف نے کہا کہ برادر اسلامی ممالک، مملکتِ سعودی عرب اور جمہوریہ ترکیہ کے ساتھ مل کر پاکستان اپنے ملکوں کے دفاع سمیت پورے خطے کی سلامتی و استحکام کی ضمانت دینے کے لیے اپنا تعمیری اور مثبت کردار مسلسل ادا کرتا رہے گا۔
Deeply appreciate President Donald Trump’s kind words of support on the signing of the Makkah Joint Defence Agreement.
Together with the brotherly Kingdom of Saudi Arabia and the Republic of Turkiye, Pakistan will continue to play a constructive role in ensuring the defence of… pic.twitter.com/qdemVBYkLq
— Shehbaz Sharif (@CMShehbaz) August 17, 2026
اس موقع پر وزیراعظم شہباز شریف نے امریکی صدر کی بین الاقوامی اور علاقائی حکمتِ عملی کا ذکر کرتے ہوئے ان کی جرات مندانہ اور فیصلہ کن قیادت کی سخت تعریف کی، ان کا کہنا تھا کہ صدر ڈونلڈ ٹرمپ کی بروقت اور جرات مندانہ قیادت و اقدامات نے جنوبی ایشیا کو ایک ہولناک ایٹمی تباہی سے بچانے میں کلیدی کردار ادا کیا، جس سے خطے کے لاکھوں شہریوں کی قیمتی جانیں محفوظ رہیں۔
اپنے پیغام کے اختتام پر وزیراعظم نے اس عزم کا اعادہ کیا کہ تمام قوموں اور عوام کی خوشحالی، ترقی اور روشن مستقبل کی سب سے بنیادی اور پہلی شرط پائیدار امن کا قیام ہی ہے، جس کے لیے پاکستان اپنے تمام اتحادیوں کے ساتھ مل کر بھرپور کوششیں جاری رکھے گا۔
