موبائل فونز کے ٹیکسوں سے پریشان شہریوں کیلئے خوشخبری
اسلام آباد (قدرت روزنامہ) پاکستان ٹیلی کمیونیکیشن اتھارٹی (پی ٹی اے) کے موبائل فونز پر غیر معمولی اور بھاری ٹیکسوں سے تنگ آئے شہریوں کو بالآخر آسان اقساط کی صورت میں بڑا ریلیف فراہم کر دیا گیا۔ پاکستان پیپلز پارٹی کے رکن قومی اسمبلی قاسم گیلانی نے سوشل میڈیا پر جاری کردہ اپنے ایک بیان میں الحمدللہ کا ورد کرتے ہوئے بتایا کہ انہوں نے عوام کی سہولت کے لیے در آمد شدہ سمارٹ فونز پر عائد شدید ٹیکسوں کے طریقہ کار میں نمایاں تبدیلی حاصل کرلی ہے، اس کے علاوہ ریگولیٹری ڈیوٹی کی مد میں ٹیکس میں بھی تقریباً 18 ہزار روپے کی کمی ہوئی ہے۔
Alhamdulillah, after almost two years of struggle, we have managed to secure some relief for smartphone users who have been struggling with exorbitant taxes on imported smartphones.
Instead of paying a lump sum of around Rs. 100,000–250,000 in PTA taxes, users can now pay…
— Kasim Gilani (@KasimGillani) September 14, 2026
قاسم گیلانی نے لکھا کہ ماضی میں سمارٹ فون صارفین کو اپنا موبائل فون استعمال کرنے کے لیے ایک لاکھ روپے سے لے کر ڈھائی لاکھ روپے تک کا بھاری پی ٹی اے ٹیکس یکمشت ادا کرنا پڑتا تھا جو کہ عام شہری کی پہنچ سے مکمل طور پر باہر ہو چکا تھا، نئی کامیابی کے تحت اب صارفین کو یہ بھاری رقم ایک ساتھ دینے کی ضرورت نہیں رہے گی بلکہ وہ اب محض 8 ہزار روپے سے لے کر 17 ہزار روپے تک ماہانہ کی آسان اقساط میں اپنا پی ٹی اے ٹیکس ادا کرکے فون استعمال کرسکیں گے۔
اس کے علاوہ ریگولیٹری ڈیوٹی (RD) کی مد میں ٹیکس میں بھی تقریباً 18 ہزار روپے کی کمی ہوئی ہے۔ https://t.co/XazKcRC7uL
— Kasim Gilani (@KasimGillani) September 14, 2026
ان کا کہنا تھا کہ ٹیکنالوجی کے دور میں سمارٹ فون اور انٹرنیٹ اب بنیادی ضرورت بن چکے ہیں، ان پر غیر معمولی ٹیکسیشن نے نوجوانوں اور پیشہ ور افراد کو معاشی طور پر سخت پریشان کر رکھا تھا، ان شاء اللہ ہم صرف اس ریلیف پر ہی اکتفا نہیں کریں گے بلکہ عوام کو ٹیکنالوجی اور ڈیجیٹل ڈیوائسز کے میدان میں مزید رعایتیں اور آئندہ کے لیے مزید آسانیاں اور رعایت دلوانے کے لیے اپنی آئینی اور سیاسی جدوجہد باقاعدگی سے جاری رکھیں گے۔
