آرمی چیف جنرل قمر جاوید باجوہ بھی PSL فائنل دیکھنے اسٹیڈیم پہنچے
لاہور (قدرت روزنامہ)آرمی چیف جنرل قمر جاوید باجوہ بھی گزشتہ شب پاکستان سپر لیگ (پی ایس ایل) سیون کا فائنل دیکھنے کے لیے لاہور کے قذافی اسٹیڈیم پہنچے تھے .
پی ایس ایل کا فائنل میچ دیکھنے کیلئے تماشائیوں کی بڑی تعداد اسٹیڈیم میں موجود تھی .
ایسے میں آرمی چیف کی اچانک اسٹیڈیم آمد نے شائقین کو حیران کردیا .
Chief of Army Staff General Qamar Javed Bajwa (COAS) also watching the final match of HBL PSL 7 at Gaddafi Stadium #PSLFinal pic.twitter.com/bRiWK8S0pV
— Malik Ali Raza (@MalikAliiRaza) February 27, 2022
خیال رہے کہ پاکستان سپر لیگ فائنل سے قبل قذافی اسٹیڈیم میں قومی ترانہ پڑھا گیا، کھلاڑیوں کے ساتھ ہزاروں تماشائیوں نے کھڑے ہوکر ترانے میں حصہ لیا، جس کے بعد آتش بازی کا مظاہرہ کرکے فائنل شروع کرنے کا اعلان کیا گیا تھا .
قذافی اسٹیڈیم تماشائیوں سے کھچا کھچ بھرا ہوا تھا اور تل دھرنے کی جگہ نہیں تھی، تماشائیوں نے جوش و خروش کے ساتھ میچ دیکھا .
واضح رہے کہ قذافی اسٹیڈیم لاہور میں کھیلے گئے فائنل میں لاہور قلندرز نے ملتان سلطانز کو 42 رنز سے شکست دے کر پی ایس ایل کے چیمپئن کا تاج اپنے سر پر سجالیا .
