مجھے شادی کرنے اور ماں بننے کا بہت شوق تھا، اقراء عزیز
اسلام آباد (قدرت روزنامہ)پاکستان کی معروف اداکارہ اقراء عزیز کی جانب سے پہلی بار اپنے حمل اور ماں بننے کے احساس سے متعلق بات کی گئی ہے . اقراء عزیز نے حال ہی میں او ٹی ٹی پلیٹ فارم کے لیے انٹرویو دیا جس میں اُنہوں نے اپنی نجی، پیشہ ورانہ زندگی، شوہر یاسر حسین اور بیٹے کبیر حسین سے متعلق خوب دلچسپ باتیں کی ہیں .
اقراء عزیز کا کہنا تھا کہ ’ماں بننے کے عمل کے دوران انہوں نے کسی کو کسی قسم کا کچھ تنگ نہیں کیا تھا، اُنہیں شادی کرنے اور ماں بننے کا بہت شوق تھا اُنہیں معلوم ہوا کہ وہ ماں بننے والی ہیں، پھر ایک دن آیا کہ کبیر حسین اُن کے ہاتھوں میں تھا . ‘
View this post on Instagram
اقراء عزیز نے کہا کہ ’اُنہیں اپنے حمل کے دوران کسی قسم کا ڈر خوف نہیں تھا . ‘
اقراء عزیز نے بتایا کہ ’ہاں بس تھوڑا وقت ایسا آیا تھا کہ وہ یاسر حسین سے بہت سی جگہوں پر جانے اور مزے مزے کے کھانے، کھانے کی فرمائش کرتی تھیں، اُنہیں یاد ہے کہ ایک بار اُن کی فرمائش پر یاسر حسین اُنہیں کہیں تنگ گلیوں میں لے گئے تھے، انہوں نے اپنے پالتو کتے اور یاسر حسین کے ساتھ وہیں بیٹھ کر نلی بریانی کھائی تھی . ‘
View this post on Instagram
اقراء عزیز نے میاں بیوی کے رشتے سے متعلق بات کرتے ہوئے کہا کہ ’شادی میں سب پیار محبت کے ساتھ عزت بھی ہو تو وہ پھر لمبی چلتی ہے، پیار محبت شادی سے پہلے ہو یا بعد میں جلدی ختم ہو جاتی ہے مگر اگر رشتے میں عزت بھی پائی جائے تو ہر رشتہ دیرپا چلتا ہے . ‘
