کراچی: لوڈشیڈنگ کا دورانیہ 4 سے 14 گھنٹوں تک پہنچ گیا

کراچی (قدرت روزنامہ)ملک کے سب سے بڑے شہر کراچی میں بجلی کی بدترین لوڈ شیڈنگ کا دورانیہ 4 سے 14 گھنٹوں تک پہنچ گیا . کراچی کے مختلف علاقوں میں بدترین بجلی کی لوڈ شیڈنگ کا سلسلہ جاری ہے، کھارادر، لیاری، نیا آباد، کورنگی، اورنگی، ملیر اور لانڈھی میں طویل لوڈشیڈنگ جاری ہے .


اس کے علاوہ سرجانی ٹاؤن، قائدآباد، قیوم آباد، کیماڑی، نیوکراچی، نارتھ ناظم آباد، لیاقت آباد، بہادر آباد، گلشن اقبال، گلستان جوہر اور اسکیم 33 میں بھی طویل لوڈشیڈنگ ہو رہی ہے .
شہریوں کا کہنا ہے کہ ہر 2 سے 3 گھنٹوں بعد 3 سے ساڑھے 3 گھنٹے کی لوڈشیڈنگ ہوتی ہے . دوسری جانب ترجمان کے الیکٹرک نے دعویٰ کیا ہے کہ کراچی میں بجلی کی سپلائی 30 جون کے شیڈول کے مطابق ہے،لوڈشیڈنگ میں اضافہ یا شیڈول میں تبدیلی نہیں کی گئی .

. .
Ad
متعلقہ خبریں