شیری رحمان کا آصف زرداری کی صحت سے متعلق اہم انکشاف

کراچی (قدرت روزنامہ)وفاقی وزیر شیری رحمان کی جانب سے سابق صدر آصف زرداری کی صحت سے متعلق اہم انکشاف کیا گیا ہے۔سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں وفاقی وزیر شیری رحمان نے لکھا کہ آصف علی زرداری کی صحت کے حوالے سے سوشل میڈیا پر جھوٹی اور من گھڑت خبریں پھیلائی جا رہی ہیں۔

آصف علی زرداری کی صحت کے حوالے سے سوشل میڈیا پر جھوٹی اور من گھڑت خبریں پھیلائی جا رہی ہیں۔ سوشل میڈیا پر گردش کرنے والا ایکسرے ان کا نہیں ہے۔ آصف علی زرداری زیر اعلاج ہیں اور قوم اور کارکنان کی دعائوں سے جلد صحتیاب ہوکر ہمارے بیچ ہونگے۔

— SenatorSherryRehman (@sherryrehman) October 8, 2022

جاری کردہ ٹوئٹ میں شیری رحمان لکھتی ہیں کہ سوشل میڈیا پر گردش کرنے والا ایکسرے ان کا نہیں ہے۔شیری رحمان کا مزید کہنا تھا کہ آصف علی زرداری زیر اعلاج ہیں اور قوم اور کارکنان کی دعاؤں سے جلد صحتیاب ہوکر ہمارے بیچ ہونگے۔
خیال رہے کہ آصف علی زرداری کی صحت کو مد نظر رکھتے ہوئے چند روز میں ایئر ایمبولنس کے ذریعے منتقلی پر غور کیا جارہا ہے۔ آصف علی زرداری کا چیک اپ کرنے والی طبی ماہرین کی ٹیم کراچی سے واپس متحدہ عرب امارات پہنچ چکی ہے، تینوں طبی ماہرین کی ٹیم کراچی سے خصوصی طیارے کے ذریعے متحدہ عرب امارات روانہ ہوئی تھی۔آصف زرداری کی طبیعت تاحال ناساز ہے جب کہ ان کی صحت کو مد نظر رکھتے ہوئے چند روز میں ایئر ایمبولنس کے ذریعے منتقلی پر غور جاری ہے۔