کراچی (قدرت روزنامہ)پاکستانی فلم و ڈرامہ انڈسٹری کے معروف اداکار فیروز خان کو اپنی سابقہ اہلیہ، علیزے سلطان کو تشدد کا نشانہ بنانے کے الزام میں مختلف سماجی شخصیات سمیت ان کے اپنے ساتھی فنکاروں کی جانب سے شدید تنقید کا نشانہ بنایا جارہا ہے۔فیروز خان نے کم و بیش اپنی جانب اُٹھنے والی تمام تر تنقیدوں پر خاموشی اختیار کر رکھی تھی۔
تاہم حال ہی میں ان کے خلاف عدالت میں پیش کیے گئے تشدد کے چند دستاویزی شواہد سوشل میڈیا پر وائرل ہوئے تو اداکار مزید خاموش نہ رہ سکے اور رد عمل دیتے ہوئے ان کی تردید کردی۔بعدازاں دو روز قبل فوٹو اینڈ ویڈیو شیئرنگ پلیٹ فارم انسٹاگرام پر اداکار نے ماضی کی ایک پوسٹ انسٹا اسٹوری میں شیئر کی جس کے ذریعے انہوں نے اپنے ساتھی فنکاروں کو پیغام پہنچا دیا کہ ’انڈسٹری میں، میں نے کوئی دوست نہیں بنائے‘۔
اس کے بعد انہوں نے گزشتہ دو روز کے دوران یک بعد دیگرے مختلف انسٹا اسٹوریز، ٹوئٹ اور پوسٹز کے ذریعے کسی کا نام لیئے بغیر تمام نقادوں اور ٹرول کرنے والوں کو بتا دیا کہ انہیں کسی کے کچھ بھی کہنے سے کوئی فرق نہیں پڑتا۔
انہوں نے چند روز قبل ٹوئٹ کرتے ہوئے آسٹریلین گلوکارہ ’Sia‘ کے مشہور زمانہ گانے ’Unstoppable‘ کے بول شیئر کئے اور بتایا کہ ان کے اعتماد کو کوئی چیز ٹھیس نہیں پہنچا سکتی۔ایک انسٹا اسٹوری سے معلوم ہوتا ہے کہ جب سب ان پر تنقید کرنے میں مصروف ہیں اس وقت وہ ’سلطان انٹرنیشنل نیزہ بازی ٹورنامنٹ‘ کے مزے لے رہے ہیں۔
ایک اور اسٹا اسٹوری میں انہوں نے اپنے ناشتے کی تصویر شیئر کی جس کے ساتھ کیپشن میں لکھا ’Cant Beat the GAME‘ ۔
سوشل میڈیا سائٹ انسٹاگرام پر پوسٹ کرتے ہوئے انہوں نے علامہ اقبال کے کلام ’بال جبریل‘ کی ایک نظم کا شعر کیپشن میں لکھا کہ
’عروج آدم خاکی سے انجم سہمے جاتے ہيں
کہ يہ ٹوٹا ہوا تارا مہ کامل نہ بن جائے‘
انسٹاگرام کی ایک اور پوسٹ کے کیپشن میں انہوں نے لکھا کہ ’ہمت نہ ہارو، برداشت کرو اور فتح یاب ہوجاؤ‘۔
ایک اور پوسٹ میں انہوں نے علامہ اقبال کی نظم جوابِ شکوہ سے درج ذیل شعر کیپشن میں لکھا کہ
کوئی قابل ہو تو ہم شانِ کئی دیتے ہیں
ڈھونڈنے والوں کو دنیا بھی نئی دیتے ہیں
لاہور(قدرت روزنامہ)وزیراعظم شہباز شریف نے کہا ہے کہ اس وقت دنیا کا سب سے بڑا…
اسلام آباد (قدرت روزنامہ)سابق کرکٹر وقار یونس اور بازید خان کے بعد معروف بھارتی کمنٹیٹر…
اسلام آباد (قدرت روزنامہ)دبئی کی حکومت نے المکتوم بین الاقوامی ہوائی اڈے پر نئے مسافر…
ممبئی (قدرت روزنامہ) معروف بھارتی اداکار منوج باجپائی نے اپنی بیٹی آوا کی ہندی کمزور…
اسلام آباد (قدرت روزنامہ)پی ڈی ایم اے نے بلوچستان میں بارشوں کے نقصانات پر رپورٹ…
اسلام آباد (قدرت روزنامہ)گزشتہ روز نیوزی لینڈ کے خلاف 5ویں ٹی20 میچ کے دوران شاہین…