امریکی سازشی بیانیے سے محض دستبرداری کافی نہیں، حافظ حمد اللّٰہ
اسلام آباد (قدرت روزنامہ)پاکستان ڈیموکریٹک موومنٹ (پی ڈی ایم) کے ترجمان حافظ حمد اللّٰہ نے عمران خان کے انٹرویو پر ردعمل دیتے ہوئے کہا ہے کہ امریکی سازشی بیانیے سے محض دستبرداری کافی نہیں، تمہیں جھوٹ کا جواب دینے کے ساتھ قوم اور ریاست سے معافی مانگنی ہو گی۔
سماجی رابطے کی سائٹ ٹوئٹر پر جاری کیے گئے بیان میں حافظ حمد اللّٰہ نے کہا کہ امریکی سازشی بیانیہ سے دستبرداری، واشنگٹن سے دوستی عمران کا میگا یوٹرن ہے، وہ سائفر کو بنیاد بنا کر 7 ماہ پاکستانی قوم کے جذبات سے کھیلتے رہے، انہوں نے پاکستان کی آزادی، خودمختاری، خودداری اور سالمیت کو داؤ پر لگایا۔
ایک دن امریکی سازشی بیانیہ دوسرے دن سپریم کورٹ سے تحقیقات کا مطالبہ آج دستبرداری یہ جھوٹ ڈرامہ بازی اور منافقت نہیں چلے گی آپ کا محاسبہ ضروری ہے
نیاپاکستان ریاست مدینہ غلامی نامنظور حقیقی آزادی جیسے جھوٹے نعروں پر قوم مزید اعتماد نہیں کرے گی
— Hafiz Hamdullah (@iHafizHamdullah) November 14, 2022
انہوں نے کہا کہ عمران خان نے پاکستان کو دنیا میں تنہا اور رسوا کر کے تماشا بنادیا، انہوں نے سائفر ہاتھ میں ہلا ہلا کر جھوٹ بولا اور قوم کو بیوقوف بنایا، کیا تم نے ریاست کو کھلونا اور قوم کو بھیڑ بکریوں کا ریوڑ سمجھ رکھا ہے؟
امریکی سازشی بیانیہ سے دستبرداری اور واشنگٹن سے دوستی عمران خان کا میگا یوٹرن ہے
عمران سائفر کو بنیاد بناکر سات مہینے پاکستانی قوم کے جذبات سے کھیلتے رہےپاکستان کی آزادی خودمختاری خودداری اور سالمیت کو داو پر لگایا
تم نے پاکستان کو دنیا میں تنہا اور رسوا کرکے تماشابنادیا
+— Hafiz Hamdullah (@iHafizHamdullah) November 14, 2022
حافظ حمد اللّٰہ کا کہنا ہے کہ ایک دن امریکی سازشی بیانیہ دوسرے دن سپریم کورٹ سے تحقیقات کا مطالبہ، یہ جھوٹ، ڈرامے بازی اور منافقت نہیں چلے گی، آپ کا محاسبہ ضروری ہے، نیا پاکستان، ریاست مدینہ، غلامی نامنظور، حقیقی آزادی کے جھوٹے نعروں پر قوم مزید اعتماد نہیں کرے گی۔
