پاکستانی اداکار علی خان جلد ایک ویب سیریز میں بالی ووڈ اداکارہ کاجول کے ساتھ نظر آئیں گے
ممبئی(قدرت روزنامہ)پاکستان شوبز انڈسٹری کے معروف اداکار علی خان جلد ایک ویب سیریز میں بالی ووڈ کی مشہور اداکارہ کاجول کے ساتھ نظر آئیں گے۔حال ہی میں اپنے دیے گئے ایک انٹرویو میں اداکار علی خان کا کہنا تھا کہ وہ جلد ایک بھارتی ویب سیریز “دی گڈ وائف” میں بالی ووڈ اداکارہ کاجول کے ساتھ نظر آئیں گے۔
View this post on Instagram
انہوں نے بتایا کہ اداکارہ کاجول ان کی پسندیدہ اداکارہ تھیں، وہ بہت اچھی ہیں مگر سخت مزاج کی ہیں۔
View this post on Instagram
ان کا کہنا تھا کہ وہ شاہ رُخ خان کے بعد اب بھارتی اداکارہ کاجول کے ساتھ ایک نئے پراجیکٹ پر کام کرتے نظر آئیں گے۔
علی خان نے کہا کہ وہ ایک بھارتی ویب سیریز “دی گڈ وائف” میں کاجول کے ساتھ اسکرین شیئر کریں گے جس کی شوٹنگ بھی مکمل ہو چکی ہے۔
View this post on Instagram
معروف اداکار نے ویب سیریز میں اپنے کردار سے متعلق بتایا کہ وہ اس ویب سیریز میں کاجول کے بوائے فرینڈ کا کردار ادا کر رہے ہیں۔ان کا کہنا تھا کہ اس سیریز میں کاجول کے ساتھ ایک بولڈ سین بھی تھا جسے ہم دونوں نے کافی پیشہ ورانہ طریقہ سے ادا کیا۔
View this post on Instagram
علی خان نے کہا کہ جب کسی کام کو پیشہ ورانہ طور پر کیا جائے تو کسی بھی قسم کا سین کرنے سے ہچکچاہٹ محسوس نہیں ہوتی۔
View this post on Instagram
واضح رہے کہ مذکورہ ویب سیریز میں کاجول، پاکستانی اداکار علی خان، کبریٰ سیت، شیبا چڈھا، عامر علی اور وجے وکرم سنگھ اہم کردار نبھاتے نظر آئیں گے جبکہ ویب سیریز اگلے برس ریلیز کی جائے گی۔
View this post on Instagram
