کنگنا رناوت نے فلم ’ایمرجنسی‘ کیلئے اپنی تمام جائیداد گروی رکھوا دی
ممبئی (قدرت روزنامہ) بالی ووڈ کی متنازعہ اداکارہ کنگنا رناوت کا کہنا ہے کہ انہوں نے اپنی فلم ’ایمرجنسی‘ کی تکمیل کیلئے اپنے تمام اثاثے گروی رکھوا دیئے ہیں .
بھارتی میڈیا سے بات کرتے ہوئے کنگنا رناوت نے انکشاف کیا ہے کہ انہوں نے فلم ’ایمرجنسی‘ کی شوٹنگ اور تمام اخراجات کو پورا کرنے کیلئے اپنے تمام اثاثے اور جائیداد گروی رکھوا دی ہے ان کا کہنا تھا کہ وہ ممبئی 500 روپے لے کر آئیں تھیں اور اگر اس فلم کے بعد وہ پوری طرح برباد بھی ہوگئیں تو خود کو دوبارہ کھڑا کرنے کی ہمت اور حوصلہ رکھتی ہیں .
کنگنا کا مزید کہنا تھا کہ وہ جس کام کی ٹھان لیتی ہیں تو اسے مکمل کر کے ہی رہتی ہیں اداکارہ نے کہا کہ فلم کو مکمل کرنے کیلئے اپنی تمام جائیداد اور اثاثوں کو گروی رکھنے کا فیصلہ ان کے لئے کوئی بڑی بات نہیں .
She is such an inspiration
Her confidence and fortitude makes her stronger ❤️@kanganaTeam #KanganaRanaut pic.twitter.com/vacwQN1Ysk— Vinayak 🍷 (@Vinayak27120) January 25, 2023
اداکارہ اس فلم میں سابق بھارتی وزیراعظم اندرا گاندھی کا کردار ادا کر رہی ہیں اس فلم کی کہانی کنگنا نے لکھی ہے جبکہ وہی اس فلم کی پروڈیوسر اور ڈائریکٹر بھی ہیں، کنگنا کے مطابق یہ ان کے کیرئیر کی سب سے بڑی فلم ہے جو بنانا ان کا خواب تھا .
Exclusive | Emergency written & directed by Kangna Ranaut 👑
Releases on 20th October 2023 💫@KanganaTeam #KanganaRanaut@ManikarnikaFP @AnupamPKher#KanganaRanaut𓃵 #Emergencypic.twitter.com/BVkuujA1qO— Kangana Ranaut Rulez (@KanganaNation) January 24, 2023
گزشتہ ہفتے فلم کی شوٹنگ مکمل کرنے کے بعد اداکارہ نے اپنے انسٹاگرام اکاؤنٹ پر مداحوں کو اس حوالے سے آگاہ کرتے ہوئے لکھا کہ ان کیلئے اس فلم کو بنانا کوئی آسان سفر ثابت نہیں ہوا انہیں اس فلم میں بہت مشکلات کا سامنا کرنا پڑا .
اداکارہ نے بتایا کہ فلم کو مکمل کرنے کے لیے بھارت بھر کا شیڈول بنایا گیا تھا جہاں شوٹنگ ہونی تھی اور اس میں آسام بھی شامل تھا .
View this post on Instagram
یاد رہے کہ اندرا گاندھی کی زندگی پر بنی بائیوپک ’ایمرجنسی‘ 20 اکتوبر 2023 کو ریلیز کی جائے گی فلم میں ماہیما چوہدری بھی سالوں بعد اسکرین پر نظر آئیں گی .
. .
View this post on Instagram
