علماء کے وفد کا دورہ جناح ہاؤس، 9 مئی واقعات کے ملزمان کو سخت سزا دینے کا مطالبہ

لاہور(قدرت روزنامہ) علماء کرام کے وفد نے جناح ہاؤس کے دورے کے دوران 9 مئی واقعات کی شدید الفاظ میں مذمت اور سانحہ میں ملوث ملزمان کو قانون کے کٹہرے میں لانے کا مطالبہ کیا ہے .
شرکاءِ وفد کا کہنا تھا کہ آج قائد اعظم کے گھر کو اس حال میں دیکھ کر دل خون کے آنسو رو رہا ہے، تمام ذمہ داروں کو قرار واقع سزا ملنی چاہیے ، قائد اعظم محمد علی جناح کے گھر کو جلانا پاکستان سے دشمنی کے مترادف ہے .

علماء کا مزید کہنا تھا کہ احتجاج کا یہ مطلب نہیں کہ کوئی بانی پاکستان کے گھر کے ساتھ یوں غداری کرے، ایسے لوگ پاکستان کے دشمن ہیں اور انہیں قرار واقع سزا ملنی چاہیے .