قومی کرکٹر احمد شہزاد نے ارشد ندیم کو 10 لاکھ روپے کا چیک دے دیا
لاہور (قدرت روزنامہ)پاکستان کرکٹ ٹیم کے بلے باز احمد شہزاد کی طرف سے ورلڈ ایتھلیٹکس چیمپیئن شپ میں سلور میڈل حاصل کرنے والے ارشد ندیم کو 10 لاکھ روپے انعامی رقم دے دی گئی . سوشل میڈیا پر وائرل ہونے والی ویڈیو میں احمد شہزاد اور ارشد ندیم کو ملاقات کرتے ہوئے دیکھا جاسکتا ہے .
وائرل ویڈیو میں قومی کرکٹر ارشد ندیم کو 10 لاکھ کا چیک تھماتے دیکھے جاسکتے ہیں .
ارشد ندیم نے حال ہی میں ہنگری میں ہونے والے ورلڈ اتھلیٹکس چیمپیئن شپ کے جیولین تھرو کے مقابلے میں سلور میڈل حاصل کیا تھا . یہ ورلڈ اتھلیٹکس چیمپیئن شپ میں پاکستان کیلئے پہلا چاندی کا تمغہ تھا .
Ahmed Shahzad has awarded cash prize of PKR 10 Lac to Commonwealth Games winner and World Athletics Championship runner-up Arshad Nadeem. What a gesture Ma Shaa Allah ♥️ @iamAhmadshahzad pic.twitter.com/eC8ii8xY6p
— Farid Khan (@_FaridKhan) September 17, 2023
خیال رہے کہ اس سے پہلے سابق کرکٹر اور وزیراعلیٰ پنجاب کے مشیر کھیل وہاب ریاض کی طرف سے بھی اتھلیٹ ارشد ندیم کیلئے 30 لاکھ روپے بطور انعامی رقم دینے کا اعلان کیا گیا تھا .
