نیشنل فلم ایوارڈز؛ عالیہ بھٹ نے دوبارہ اپنی شادی کی ساڑھی پہن لی
دہلی (قدرت روزنامہ) بالی ووڈ اداکارہ عالیہ بھٹ نے نیشنل فلم ایوارڈز کے موقع پر دوبارہ اپنی شادی کی ساڑھی پہن لی جس کی ویڈیو سوشل میڈیا پر وائرل ہورہی ہے۔
بھارتی میڈیا کے مطابق دہلی میں 69ویں نیشنل فلم ایوارڈز کی تقریب کا انعقاد کیا گیا جس میں عالیہ بھٹ کو سنجے لیلا بھنسالی کی فلم ‘گنگو بائی کاٹھیاواڑی’ میں ان کی زبردست اداکاری کے لیے بہترین اداکارہ کے ایوارڈ سے نوازا گیا۔
View this post on Instagram
جیسے ہی عالیہ بھٹ کو بہترین اداکارہ کے ایوارڈ سے نوازا گیا تو رنبیر کپور نے اہلیہ کی کامیابی پر فخر کرتے ہوئے اپنے موبائل فون میں ویڈیو بنا کر اُن خوبصورت لمحات کو قید کرلیا۔
عالیہ بھٹ نے اپنی کامیابی کے موقع پر ایک بار پھر سے اپنی شادی کی ساڑھی زیب تن کی جبکہ اُن کا اسٹائل شادی والے دن سے بالکل مختلف تھا۔
alia bhatt the national award winner! 🫶🏼 pic.twitter.com/nvvUHcC795
— ☁️ (@softiealiaa) October 17, 2023
رپورٹ میں بتایا گیا کہ عالیہ بھٹ نے اداکارہ کریتی سینن کے ساتھ بہترین اداکارہ کا نیشل ایوارڈ مشترکہ طور پر اپنے نام کیا، کریتی سینان کو فلم ’میمی‘ جبکہ الو ارجن کو ’’پشپا : دی رائز‘ کی پرفارمنس پر بہترین اداکار کے ایوارڈ سے نوازا گیا۔
’آر آر آر‘ کو بیسٹ پاپولر فلم کا ایوارڈ ملا جبکہ شریا گوشل کو بہترین خاتون پلے بیک سنگر کا ایوارڈ دیا گیا ہے۔ ’روکٹری : دی نمبی ایفیکٹ‘ کو بہترین فلم کا ایوارڈ ملا جبکہ پنکج ترپاٹھی کو ’میمی‘ کے اندر بہترین معاون اداکار کا ایوارڈ ملا تھا۔