حکام کی ملاقاتیں بے نتیجہ ،طورخم بارڈر پانچویں روز بھی تجارت کیلئے بند

لنڈی کوتل(قدرت روزنامہ)پاک-افغان طورخم بارڈر بدھ کو پانچویں روز بھی ہر قسم کی دوطرفہ تجارت کے لیے بند رہا۔ پاکستانی بارڈر حکام نے طورخم پر تجارت کو ڈرائیوروں کے ویزوں سے مشروط کردیا ہے، بارڈر کی بندش پر پاک افغان بارڈر حکام کی ملاقاتیں بھی بے نتیجہ نکلیں۔
سرحد کے دونوں اطراف فروٹ اور سبزیوں سے بھری ہزاروں گاڑیاں کھڑی ہیں، بارڈر بندش کے باعث گاڑیوں میں فروٹ اور سبزیاں خراب ہونے لگیں۔ ٹرانسپورٹروں نے دونوں اطراف سے بارڈر کھولنے کا مطالبہ کیا ہے۔