2026 کے کامن ویلتھ گیمز؛ ملائیشیا نے میزبانی سے انکار کردیا

کوالالمپور(قدرت روزنامہ)ملائیشیا نے 2026 کے کامن ویلتھ گیمز کی میزبانی سے انکار کردیا۔
ملائیشیا نے 2026 کے کامن ویلتھ گیمز کی میزبانی سے انکار کا فیصلہ گیمز کی لاگت کے غیریقینی ہونے اور ناکافی فنڈز کی وجہ سے کیا، حکومت کا فیصلہ گیمز منتظمین کیلیے بڑا دھچکا ہے، اس سے قبل آسٹریلوی ریاست وکٹوریہ بھی میزبانی سے معذرت کرچکی، اس کا سبب بھی اخراجات بیان کیے گئے تھے۔
کامن ویلتھ گیمز فیڈریشن 100 ملین پاؤنڈز سپورٹنگ فنڈز پیش کررہا ہے مگر آفیشلز کا کہنا ہے کہ پیش کردہ رقم گیمز کا انعقاد ممکن بنانے کے لیے ناکافی ہے۔