انوشکا شرما بیٹے کی پیدائش کے بعد پہلی بار کیمرے کے سامنے کب آئیں گی؟
ویرات کوہلی رائل چیلنجرز بنگلورو کی ٹیم کا حصہ ہیں لیکن اُن کی ٹیم کے پہلے میچ میں اُن کی اہلیہ و اداکارہ انوشکا شرما غائب رہیں کیونکہ اداکارہ بیٹے کی پیدائش کے بعد سے لندن میں ہی مقیم ہیں . اب بھارتی میڈیا کی جانب سے یہ دعویٰ کیا جارہا ہے کہ انوشکا شرما اپنے بیٹے اور بیٹی کے ہمراہ بہت جلد بھارت واپس آجائیں گی اور بیٹے کی پیدائش کے بعد پہلی بار رائل چیلنجرز بنگلورو کے میچ میں شرکت کرکے عوامی سطح پر منظرِ عام پر آئیں گی . ذرائع کا کہنا ہے کہ انوشکا شرما ہمیشہ اپنے شوہر ویرات کوہلی کا حوصلہ بُلند کرنے کے لیے اسٹیڈیم میں موجود ہوتی ہیں، اس بار بھی وہ رائل چیلنجرز بنگلورو کے کسی ایک میچ میں لازمی شرکت کرکے اپنے شوہر کو ہمت دیں گی . واضح رہے کہ انوشکا شرما اور ویرات کوہلی کے ہاں رواں سال 15 فروری کو بیٹے کی پیدائش ہوئی تھی لیکن اس جوڑی نے 20 فروری کو سوشل میڈیا کے ذریعے اپنے بیٹے کی پیدائش کا اعلان کیا تھا . اس سے قبل اسٹار جوڑی کے ہاں جنوری 2021 میں پہلی بیٹی کی پیدائش ہوئی تھی جس کا نام اُنہوں نے وامیکا رکھا تھا . . .
