سپریم کورٹ کراچی رجسٹری میں کراچی تجاوزات کیس کی سماعت آج ہوگی

اسلام آباد (قدرت روزنامہ)سپریم کورٹ کراچی رجسٹری میں آج تجاوزات کیس کی سماعت ہوگی۔
عدالت نے کیس میں متعلقہ حکام سے شہر میں رفاہی پلاٹوں اور دیگر علاقوں سے تجاوزات کے خاتمے سے متعلق رپورٹ طلب کر رکھی ہے۔
دوسری جانب میئر کراچی بیرسٹر مرتضیٰ وہاب نے شہر میں ٹریفک کی روانی بہتر کرنے کے لیے ہفتہ وار انسداد تجاوزات آپریشن کرنے کا اعلان کیا ہے۔
آپریشن کا آغاز صدر، لائٹ ہاؤس، ایم اے جناح روڈ اور بولٹن مارکیٹ سے ہوگا۔
آئی آئی چند ریگر روڈ، نمائش، ایمپریس مارکیٹ اور کھارادر میں بھی آپریشن ہوگا، سڑکوں سے کیبن، ٹھیلے، پتھارے اور دکانوں کے باہر سامان ہٹایا جائے گا۔