اسد عمر کی عدالت پیشی پر طبیعت خراب ، اسپتال منتقل

لاہور(قدرت روزنامہ) لاہور میں انسداد دہشتگردی عدالت میں پیشی پر اسد عمر کی طبیعت خراب ہوگئی . اسد عمر کی انسداد دہشت گردی عدالت میں پیشی کے دوران طبیعت اچانک خراب ہوئی تھی .

اسد عمر کو کمرہ عدالت سے اٹھا کر مرکزی گیٹ پر موجود گاڑی میں منتقل کیا گیا . پی ٹی آئی کے رہنما زین قریشی اسد عمر کو لے کر اسپتال روانہ ہوئے . اسد عمر کا پنجاب انسٹیٹیوٹ آف کارڈیالوجی میں علاج جاری ہے .
ذرائع کے مطابق اسد عمر کا بلڈ پریشر کم ہوگیا تھا جبکہ ان کی ای سی جی ٹھیک آئی ہے . اسد عمر نے اپنی بیماری سے متعلق ڈاکٹرز سے بات چیت کی . پاکستان تحریک انصاف ( پی ٹی آئی) کے اپوزیشن لیڈر عمر ایوب، ڈپٹی پارلیمانی لیڈر زین قریشی اور محمد احمد چٹھہ ایم این اے اور بلال اعجاز ایم این بھی پی آئی سی میں موجود ہیں .