سانحہ راڑہ شم کیخلاف ٹرانسپورٹرز کا احتجاج، حکومت سے تحفظ فراہم کرنے کا مطالبہ
یونین ٹرانسپورٹ کا احتجاج گزشتہ 4 گھنٹے سے جاری ہے، مرکزی شاہراہ پر آمد و رفت رک گئی ہے اور دونوں اطراف سے گاڑیوں کی لمبی قطاریں لگ گی جس کے باعث مسافروں کو شدید مشکلات کا سامنا ہے . مظاہرین کا کہنا ہے کہ حکومت کی نااہلی کے باعث آئے روز بے گناہ مزدور اور ڈرائیور قتل کردیے جاتے ہیں، گزشتہ شب مسافروں اور ڈرائیور کو بسوں، ٹرک و پک گاڑیوں سے اتار بےدردی سے قتل کر دیا گیا، قتل کے بعد تمام گاڑیوں نذر آتش کر دیا گیا . مظاہرین نے کہا کہ اس کی ذمہ داری حکومت پر عائد ہوتی، حکومت کی رٹ ختم ہوچکی ہے، حکومت ہمارے نقصان کا ازالہ کرے اور مرکزی شاہراہوں پر امن و امان قائم کرنے ہمیں تحفظ دینے کی ذمہ داری اٹھائے . مظاہرین نے کہا کہ جب تک ہمارے مطالبات منظور نہیں ہوتے، ظلم و بربریت ختم نہیں ہوتی تب تک ہم احتجاجی مظاہرے جاری رکھیں اور ہم اپنے احتجاجی دائرے کو وسیع بھی کریں گے اور بلوچستان بھر سڑکوں پر احتجاجی دھرنے دیں گے . . .
