چینی وزیراعظم کی پاکستان کی عسکری قیادت سے ملاقات، دفاع اور دہشت گردی کیخلاف امور زیر بحث آئے
اسلام آباد (قدرت روزنامہ)چین کے وزیراعظم لی چیانگ کی پاکستان کی عسکری قیادت سے ملاقات ہوئی .
چینی وزیراعظم کی چیئرمین جوائنٹ چیفس آف اسٹاف کمیٹی اور سروسز چیفس کے ساتھ ملاقات ہوئی جس میں پاک چین دیرینہ تعلقات کو مزید مضبوط کرنے اور وسعت دینے کے عزم کا اعادہ کیا گیا .
ملاقات میں چین اور پاکستان کے درمیان دفاع اور دہشت گردی کے خلاف امور بھی زیر بحث آئے . چین کے وزیراعظم نے دہشت گردی کےخلاف جنگ میں پاکستان کی مسلح افواج کے کردار کو سراہا . چینی وزیراعظم نے دہشت گردی کے خلاف جنگ میں پاکستان کی مکمل حمایت اور مدد کی یقین دہانی بھی کرائی . خیال رہے کہ چینی وزیر اعظم لی چیانگ ایس سی او سربراہی اجلاس میں شرکت کے لیے پاکستان میں موجود ہیں . . .
