کراچی پولیس نے خاتون کے سامنے سرعام برہنہ ہونیوالے اوباش کو گرفتار کرکے سافٹ ویئر اپڈیٹ کردیا

کراچی (قدرت روزنامہ)کراچی کے علاقے یوسف گوٹھ میں خاتون کے سامنے نازیبا حرکات کرنے والے نوجوان کو گرفتار کرکے اس کا سوفٹ ویئر اپڈیٹ کردیا۔
پولیس کے مطابق سرجانی میں یوسف گوٹھ کے مقام پر خاتون سے ہراسانی کے وقعے کی ویڈیو سامنے آئی تھی۔
پولیس کا بتاناہے کہ سرجانی ٹاؤن میں غیراخلاقی حرکات کرنےوالے نوجوان کو گرفتار کرلیا گیاہے، پولیس نے ملزم کو ویڈیو کی مدد سے گرفتار کیا ہے۔
پولیس کے مطابق متاثرہ خاتون یا اس کے گھر والوں نے اس واقعے کی رپورٹ درج نہیں کرائی تاہم ویڈیو نئی ہے یا پرانی اس کی تحقیقات کی جارہی ہے۔
اب پولیس حراست میں سوشل میڈیا پر نوجوان کا بیان سامنے آیا ہے، جس میں اس نے نازیبا حرکت کا اعتراف کرتے ہوئے کہا کہ دوستوں نے شیطانی کی تھی اور میری قمیض چھین لی تھی اور وہ قمیض پھٹ گئی تھی۔
ملزم نے مزید بتایا کہ ویڈیو میرے دوست شعیب نے بنائی تھی، مجھ سے غلطی ہوئی ہے، میں اپنی ساری ماؤں بہنوں سے ا س غلطی کی معذرت چاہتا ہوں اور آئندہ کے بعد ایسی کوئی حرکت نہیں ہوگی۔