لیفٹیننٹ جنرل ندیم احمد انجم ڈی جی آئی ایس آئی تعینات

اسلام آباد (قدرت روزنامہ)لیفٹیننٹ جنرل ندیم احمد انجم کو ڈی جی آئی ایس آئی تعینات کر دیا گیا ہے۔تفصیلات کے مطابق لیفٹیننٹ جنرل ندیم انجم کا تعلق پنجاب رجمنٹ سے ہے ، آپ نے لائٹ انٹی ٹینک بٹالین میں کمیشنڈ حاصل کیا ، لیفٹیننٹ جنرل ندیم انجم کو کمانڈ اور انسٹرکشنل معاملات کا وسیع تجربہ ہے۔
لیفٹیننٹ جنرل ندیم انجم کورکمانڈر کراچی کے طور پر خدمات انجام دے رہے تھے ، لیفٹیننٹ جنرل ندیم انجم کمانڈنٹ کمانڈ اینڈ اسٹاف کالج کوئٹہ خدمات سرانجام دے چکے ہیں۔
لیفٹیننٹ جنرل ندیم انجم آپریشن ردالفساد کے دوران آئی جی ایف سی بلوچستان (نارتھ) کے عہدے پر بھی تعینات رہے ، آپریشن ضرب عضب کے دوران کرم ایجنسی ہنگو میں بریگیڈ کمانڈ کی ، مشرقی سرحد اور ایل او سی پر خدمات انجام دے چکے ہیں ، رائل کالج آف ڈیفنس سٹڈیز یو کے سے فارغ التحصیل ہیں۔
لیفٹیننٹ جنرل ندیم انجم نے ایشیاء پیسفک سینٹر برائے سیکورٹی سٹڈیز ہونولولو سے بھی ڈگری حاصل کی ، لیفٹیننٹ جنرل ندیم انجم کمبائنڈ آرمز سینٹر یوکے سے بھی فارغ التحصیل ہیں ، لیفٹیننٹ جنرل ندیم انجم نے اہڈوانس اسٹاف کورس یوکے بھی کر رکھا ہے۔
واضح رہے کہ لیفٹیننٹ جنرل ندیم انجم 20 نومبر سے چارج سنبھالیں گے۔