پی ٹی آئی رہنما اعظم سواتی کو اٹک جیل سے رہا کردیا گیا

اسلام آباد (قدرت روزنامہ)پاکستان تحریک انصاف (پی ٹی آئی) کے سینیئر رہنما اعظم سواتی کو اٹک جیل سے رہا کردیا گیا۔
اعظم سواتی کو عدالتی روبکار جاری ہونے پر اٹک جیل سے رہا کیا گیا۔ لاہور ہائیکورٹ راولپنڈی بینچ نے تین روز قبل سنگجانی جلسہ کیس میں اعظم سواتی کی ضمانت منظور کی تھی۔
پی ٹی آئی رہنما اعظم سواتی کے خلاف سنگجانی اور ٹیکسلا کے تھانوں میں مقدمات درج کیے گئے تھے۔
واضح رہے کہ اعظم سواتی 9 مئی واقعات کے بعد بھی لمبے عرصے تک قید رہے جس کے بعد ان کی ضمانت ہوگئی تھی، تاہم سنگجانی جلسہ کیس میں انہیں دوبارہ گرفتار کرلیا گیا تھا۔