پاکستان اور ٹرمپ فیملی کا کرپٹو اتحاد، عالمی سطح پر بڑی پیش رفت

اسلام آباد(قدرت روزنامہ)پاکستان نے عالمی سطح پرکرپٹو کرنسی کی دنیا میں ایک بڑی شراکت داری قائم کرلی ۔امریکہ کے صدر ڈونلڈ ٹرمپ کی فیملی کی زیرِ ملکیت 60 فیصد شیئر رکھنے والی کمپنی ورلڈ لبرٹی فنانشل نے پاکستان کرپٹو کونسل سے ایک اہم معاہدہ کرلیا ہے۔ یہ معاہدہ ایک ایسے وقت میں ہوا جب بھارت کے ساتھ پہلگام واقعے کے بعد کشیدگی اپنے عروج پر ہے۔
ورلڈ لبرٹی فنانشل کے وفد نے وزیراعظم شہباز شریف اور آرمی چیف جنرل عاصم منیر سے ملاقات کی۔ لیٹر آف انٹینٹ پر دستخط کر کے پاکستان میں بلاک چین، اسٹیبل کوائنز اور ڈی سینٹرلائزڈ فائنانس کو فروغ دینے کا فیصلہ کیا گیا ہے۔ٹرمپ فیملی کے افراد بشمول ایرک ٹرمپ، ڈونلڈ جونیئر اور بارن ٹرمپ اس پروجیکٹ میں نمایاں کردار ادا کر رہے ہیں۔