سونے کی قیمت میں کمی کا سلسلہ جاری، فی تولہ مزید کتنا سستا؟

کراچی (قدرت روزنامہ)سونے کی قیمت میں کمی کا سلسلہ جاری ہے، آج بھی 24قیراط کے حامل سونے کی فی تولہ قیمت میں 2ہزار روپے سے زائد کی کمی ہوئی جس سے سونے کی نئی قیمت 4لاکھ 77 ہزار کی سطح پر آگئی۔

آل پاکستان جیمز اینڈ جیولرز ایسوسی ایشن کا کہنا ہے کہ 24قیراط کے حامل سونے کی فی تولہ قیمت میں 2 ہزار 100روپے کی کمی ہوئی، جس سے سونے کی نئی قیمت 4 لاکھ 77 ہزار 862روپے ہوگئی۔

پاکستان جیمز اینڈ جیولرز ایسوسی ایشن کے مطابق 24قیراط کے حامل 10گرام سونے کی قیمت میں بھی 1 ہزار 801روپے کی کمی ہوئی جس سے 10گرام سونا 4 لاکھ 9 ہزار 689روپے کا ہوگیا۔

جیمز اینڈ جیولرز ایسوسی ایشن کے مطابق 22قیراط کے حامل 10گرام سونے کی قیمت میں بھی 1 ہزار 651روپے کی کمی ہوئی جس کے نتیجے میں 10گرام سونا 3 لاکھ 75 ہزار 561روپے کا ہوگیا۔

اسی طرح چاندی کی قیمت میں بھی کمی ہوئی۔ جیمز اینڈ جیولرز ایسوسی ایشن کے مطابق 24قیراط کی حامل چاندی کی فی تولہ قیمت 65روپے کی کمی سے 7 ہزار 849روپے ہوگئی۔

بین الاقوامی سطح پر سونے کی فی اونس قیمت 21ڈالرز کی کمی سے 4 ہزار 555ڈالرز فی اونس ہوگئی جبکہ چاندی کی قیمت میں0اعشاریہ 65ڈالرز کی کمی ہوئی جس سے نئی قیمت 73اعشاریہ 65ڈالرز ہوگئی۔