لاہور کی پبلک ٹرانسپورٹ میں انقلاب یا نئی مشکل؟ اب سفر کیسے ہوگا؟ جانیں تفصیلات

لاہور(قدرت روزنامہ)صوبائی دارالحکومت کے پبلک ٹرانسپورٹ نیٹ ورک میں ایک اہم اور بڑی تبدیلی کرتے ہوئے اورنج لائن ٹرین، سپیڈو اور میٹرو بس سروس میں روایتی ٹوکن اور پرانے کارڈز کا نظام ہمیشہ کے لیے ختم کرنے کا فیصلہ کر لیا گیا ہے۔ اس اقدام سے روزانہ سفر کرنے والے ہزاروں شہریوں کو نئے انتظامات کا سامنا کرنا پڑے گا۔

ماس ٹرانزٹ اتھارٹی کے ذمہ داران کے مطابق اب مسافروں کے پاس سفر کے اخراجات ادا کرنے کے لیے جدید متبادل موجود ہوں گے۔ مسافر اب ٹی کیش کارڈ، خصوصی موبائل ایپلیکیشن یا اے ٹی ایم کارڈ کے ذریعے باآسانی کرائے کی ادائیگی کر سکیں گے جبکہ پرانے طرز کے تمام کارڈز کا استعمال فوری طور پر بند کر دیا گیا ہے۔

پرانے کارڈز کے بیلنس اور ریفنڈ کا طریقہ کار

اتھارٹی حکام نے واضح کیا ہے کہ پرانے کارڈز کے اندر موجود بقایا بیلنس نقد یا کسی اور شکل میں واپس نہیں کیا جائے گا تاہم مسافروں کو یہ سہولت دی گئی ہے کہ وہ اپنا پرانا کارڈ کسی بھی متعلقہ اسٹیشن پر جمع کروا کر صرف اپنی 130 روپے کی سیکیورٹی رقم باآسانی واپس لے سکتے ہیں۔

دوسری طرف عام شہریوں اور مسافروں نے اس اچانک فیصلے پر اپنے شدید تحفظات کا اظہار کیا ہے۔ ان کا کہنا ہے کہ ایک طرف کارڈ سسٹم مکمل طور پر ختم کیا جا رہا ہے لیکن دوسری جانب اب بھی بعض مقامات پر مسافروں کے پرانے کارڈز ری چارج کیے جا رہے ہیں۔ شہریوں نے شکایت کی ہے کہ اس بڑی تبدیلی کے حوالے سے انہیں پیشگی اور بروقت آگاہی نہیں دی