شفیع جان نے صوبے کی عوام کو پشاور پہنچنے کی کال دے دی

پشاور(قدرت روزنامہ)خیبرپختونخواہ میں گورنر راج اور ایمرجنسی کے نفاذ کے بعد پی ٹی آئی رہنماؤں کی مبینہ گرفتاریوں کا سلسلہ تیز ہو گیا، جس پر صوبائی وزیر شفیع جان نے بھی عوام کو سڑکوں پر نکلنے اور پشاور کا رخ کرنے کی کال دے دی۔
سوشل میڈیا پلیٹ فارم ایکس پر پی ٹی آئی رہنما شفیع جان کی طرف سے جاری کردہ پیغام میں دعویٰ کیا گیا ہے کہ وزیراعلیٰ محمد سہیل آفریدی کو حراست میں لے لیا گیا ہے، اس نازک گھڑی میں اب خاموش بیٹھنے کا کوئی جواز باقی نہیں رہا۔

وزیر اعلی سہیل آفریدی کے گرفتار کر لیا گیا ۔ اب عوام کو نکلنا ھوگا ۔ پورے خیبر پختون خواہ پشاور کے طرف آئے ۔ کوہاٹ پشاور کے طرف رخ کرے ۔ قبائلی اضلاع کے عوام پر باری ذمہ داری عائد ھوتی ھے ۔قبائل اپنے وزیر اعلیٰ کے لیے نکلنا ھوگا ۔جہاں عوام جمع ھوگی وہاں مجھے اپنے درمیان پائینگے۔

— Shafi Jan (@ShafiJanPTI) October 11, 2026

انہوں نے خیبرپختونخواہ کے تمام عوام سے اپیل کی کہ وہ فوری طور پر اپنے گھروں سے نکلیں اور پشاور کی جانب رخ کریں، انہوں نے خاص طور پر کوہاٹ اور پشاور کے مابین آنے والے راستوں پر موجود عوام کو ہدایت کی کہ وہ فوراً پشاور کا رخ کریں۔
شفیع جان کا کہنا تھا کہ اس کڑے وقت میں قبائلی اضلاع کے غیور عوام پر سب سے بڑی ذمہ داری عائد ہوتی ہے کیونکہ ان کے منتخب وزیر اعلیٰ نے قبائل کی غیرت کی خاطر اپنے اقتدار کو خطرے میں ڈالا تھا، اس لیے اب قبائل کو اپنے وزیر اعلیٰ کے لیے باہر نکلنا ہوگا، جہاں بھی عوام کا اجتماع ہوگا، وہ خود ان کے درمیان موجود ہوں گے۔