سائرہ یوسف اور “پری زاد” کا حالیہ فوٹو شوٹ سوشل میڈیا پر وائرل ہوگیا

کراچی(قدرت روزنامہ) پاکستان کی معروف فنکار سائرہ یوسف اور پری زاد کے کردار سے شہرت پانیوالے احمد علی اکبر کا حالیہ فوٹو شوٹ سوشل میڈیا پر وائرل ہوگیا۔

اداکارہ سائرہ یوسف فوٹو اینڈ ویڈیو شیئرنگ اپیلی کیشن انسٹا گرام پر چھائی ہوئی ہیں۔ انہوں نے احمد علی اکبر کے ساتھ فوٹو شوٹ کرایا ہے جسے کافی پسند کیا جا رہا ہے۔ سائرہ یوسف انسٹا گرام پر کافی متحریک رہتی ہیں۔ کچھ روز قبل انہوں نے اپنی تصاویر شیئر کی تھیں جن میں اداکارہ نے آسمانی رنگ کا لباس زیب تن کیا تھا۔

اداکارہ نے گلوکار شہزاد رائے کے ہمراہ ایک گانے میں اداکاری کے جلوے بھی دکھائے ہیں۔ گانا دو ہیلتھ ورکرز کی کہانی پر مبنی ہے جو مریضوں کو کووڈ 19 سے بچاتے بچاتے خود کرونا وائرس کا شکار ہوگئے۔

اس کے علاوہ سائرہ یوسف اے آر وائی ڈیجیٹل پر نشر ہونے والے میگا کاسٹ ڈرامہ سیریل ”صنف آہن“ میں (آرزو) نامی لڑکی کا کردار نبھا رہی ہیں۔

ہدایت کار ندیم بیگ اور پاک فوج کے شعبہ تعلقات عامہ (آئی ایس پی آر) کے تعاون سے بنائے جانے والے ڈرامہ سیریل ”صنف آہن“ کو کافی پسند کیا جا رہا ہے۔