لاہور(قدرت روزنامہ)آل پاکستان نیوز پیپرز سوسائٹی اور وائس آف پنجاب کے مابین بروزجمعہ الحمرا، مال روڈ میں مفاہمت کی یادداشت پر دستخط ہوئے۔ ممتاز اے طاہر، چیئرمین ریجنل پریس کمیٹی، اے پی این ایس اور انعم علی عباس، پروجیکٹ ڈائریکٹر، وائس آف پنجاب نے معاہدے پر دستخط کیے۔ اس بات پر باہمی اتفاق کیا گیا کہ اے پی این ایس (ریجنل پریس کمیٹی) اور وی او پی (وائس آف پنجاب) پنجاب کے مختلف ریجنل ایریاز کو فائدہ پہنچانے کے لیے مارچ 2023 تک اسٹریٹجک شراکت دار رہیں گے۔
اس موقع پر خطاب کرتے ہوئے، ممتاز اے طاہر نے کہا، ”دونوں ادارے میڈیا اور متعلقہ موضوعات پر سیمینارز، ورکشاپس اور تقریبات کا اہتمام کریں گے تاکہ قابل عمل میڈیا توسیعی ماڈل کے لیے نتیجہ خیز مکالمہ شروع کیا جا سکے۔ ریجنل پریس اور وائس آف پنجاب اپنے اپنے ایریاز میں امن، ثقافت، سیاحت اور حب الوطنی کے فروغ کے لیے مل کر کام کریں گے۔ یہ مشترکہ منصوبہ ریجنل میڈیا کی ڈیجیٹل تبدیلی میں سہولت فراہم کرے گا، بشمول یوٹیوب چینلز اور دیگر سوشل میڈیا پلیٹ فارمز”
انعم علی عباس نے کہا، ”VOP میڈیا کے تازہ ترین معیارات اور رجحانات کو پورا کرنے کے لیے ڈیجیٹل فرنٹ لائن کے قیام میں ریجنل پریس کی معاونت کرے گا ۔ VOP ملک بھرخصوصاً پنجاب میں ریجنل پریس کی رسائی اور دائرہ کار کو بڑھانے میں اسٹریٹجک مدد فراہم کرے گا۔ یہ ایک بڑی کامیابی ہے کہ اے پی این ایس کی ریجنل پبلیکیشنزمیڈیا گریجویٹس اور دیگر دلچسپی رکھنے والے طلباء کو وی او پی کی سفارش کے مطابق انٹرن شپ کی پیشکش کریں گی۔
ایم او یو کے مطابق، دونوں ادارے اہداف والے علاقوں میں آرٹ اور دستکاری، خوراک، موسیقی، پرفارمنگ آرٹس اور متعلقہ طبقات کو فروغ دینے کے لیے متحد ہو کر کام کریں گے۔ دونوں ادارے صحافتی اخلاقیات اور اقدار کو فروغ دیتے ہوئے پرنٹ جرنلزم کو فروغ دینے اور نوجوان صحافیوں کی شخصیت سازی کے لیے مل کر کام کریں گے۔ یہاں یہ امر قابل ذکر ہے کہ اے پی این ایس کی ممبر پبلیکیشنز اپنے معیار پر پورا اترنے والے قابل انٹرنز کو ملازمتوں کی پیشکش بھی کریں گی۔
اسلام آباد (قدرت روزنامہ)جنوبی برازیل میں حکام لوگوں کو سیلاب اور مٹی کے تودے گرنے…
اسلام آباد (قدرت روزنامہ)آسٹریلین رکن اسمبلی اور نائب وزیر بریٹینی لاؤگا نے دعویٰ کیا ہے…
نوکنڈی(قدرت روزنامہ)نوکنڈی میں بجلی کی لوڈشیڈنگ سے صارفین رل گئے تفصیلات کے مطابق کیسیکو کی…
کوئٹہ(قدرت روزنامہ)نامزد گورنر بلوچستان جعفر خان مندوخیل آج گورنر بلوچستان کی حیثیت سے حلف اٹھائیں…
کوئٹہ(قدرت روزنامہ)بلوچستان نیشنل پارٹی کے مرکزی قائم مقام صدر ساجد ترین ایڈووکیٹ نے بلوچستان ہائی…
خضدار(قدرت روزنامہ)جمعیت علما اسلام کے مرکزی سرپرست اعلیٰ ضلع خضدار کے امیرمولانا قمرالدین، ضلعی جنرل…