” یہ ناقابل یقین طور پر خوبصورت اور لاجواب مقام ہے” ہرشل گبز کو مظفرآباد کی خوبصورتی نے اپنے سحر میں جکڑ لیا

مظفر آباد(قدرت روزنامہ)کشمیر پریمیئر لیگ میں اوور سیز واریئرز کی نمائندگی کرنے والے جنوبی افریقی کرکٹر ہرشل گبز کو مظفرآباد کی خوبصورتی نے اپنے سحر میں جکڑ لیا . کشمیر پریمیئر لیگ کے آفیشل ٹوئٹر اکائونٹ پر ہرشل گبز کے انٹرویو کی ویڈیو شیئر کی گئی جس میں انہوں نے وادیِ کشمیر کی خوبصورتی کی تعریف کرتے ہوئے کہا کہ یہ پاکستان کا وہ علاقہ ہے جہاں وہ پہلے کبھی نہیں آئے، یہ ناقابل یقین طور پر خوبصورت ہے، یہ ایک لاجواب مقام ہیپاکستانی بولنگ لائن کے بارے میں بات کرتے ہوئے ہرشل گبز نے کہا کہ پاکستان مسلسل بہت اچھے فاسٹ بولرز بنا رہا ہے .

انہوں نے کہا کہ پاکستان کی بولنگ لائن کا اندازہ ہم پی ایس ایل سے لگا سکتے ہیں، بلکہ کے پی ایل میں بالرز کو دیکھ لیں جوابھی تک کھیلے گئے میچز میں بہترین پرفارمنس دکھا چکے ہیں . انہوں نے کہا کہ 'تقریبا ہر ٹیم میں کم سے کم بھی تین بالرز شامل ہیں اور یہ پاکستان کے لیے بہت اچھا ہے . اس سے قبل ہرشل گبز نے اپنے انٹر ویو میں وادی کشمیر کی خوبصورتی کی تعریف کرتے ہوئے کشمیر کے شہر مظفرآباد کی خوبصورتی کا موازنہ سوئٹزرلینڈ سے کیا تھا . . .