دنانیر کی ویڈیو سوشل میڈیا پر وائرل؛ کین ڈول نے آڑے ہاتھوں لے لیا
لاہور (قدرت روزنامہ)پاکستان کی معروف ’کین ڈول‘ عرف عدنان ظفر نے اداکارہ دنانیر مبین کو ایک ویڈیو پر آڑے ہاتھوں لے لیا۔دنانیر کی جانب سے فوٹو اینڈ ویڈیو شئیرنگ ایپ انسٹاگرام پر ایک ویڈیو پوسٹ کی گئی تھی جس میں انہوں نے گھر میں لپ پلمر بنانے کا طریقہ بتایا تھا۔
اداکارہ کی جانب سے بتائے جانے والے ٹوٹکے میں پٹرولیم جیلی میں لال مرچیں اوردارچینی کا پاڈرملا کرہونٹوں پر 5 منٹ کے لیے لگانا تھا اور اس کے بعد انہیں لال مرچوں کے سبب کافی تکلیف اٹھانی پڑی۔
View this post on Instagram
دنانیر نے ویڈیو کے کیپشن میں یہ نسخہ خواتین کو گھرپرآزمانے سے منع کیا تھا۔وائرل ویڈیو پر ردعمل دیتے ہوئے عدنان ظفر نے دنانیرکو کہا کہ پٹرولیم جیلی میں لال مرچیں اور دارچینی پاڈرملا کر ہونٹوں پر لگا کر آپ خود کو بڑی کترینہ کیف سمجھ لیتی ہیں۔
View this post on Instagram
انہوں نے کہا کہ میری جان خدا کا خوف کریں، دارچینی سہی ہے لیکن لال مرچ انتہائی نقصان دہ ہے۔
کین ڈول نے کہا کہ اگر آپ نے کوئی ایسی پراڈکٹ استعمال کی ہے جس میں مرچیں محسوس ہوں تو وہ ایک مخصوص قسم ہوتی ہے جس میں ایسنس شامل کیے جاتے ہیں جو آپ کی جلد کے لیے ٹھیک ہوتے ہیں۔
عدنان ظفر کا کہنا تھا کہ یہ بالکل ٹھیک نہیں ہے ،ایسا مت کریں اگر پیسے ہیں تو آپ فلر کروالیں، مرچیں نقصان دہ ہیں آپ کو بلسٹر بن سکتا ہے یا پھر ورم آسکتا ہے۔
