حنا ربانی کا شازیہ، شیری اور مریم اورنگزیب کا شکریہ
اسلام آباد (قدرت روزنامہ)وزیرِ مملکت برائے خارجہ اُمور حنا ربانی کھر نے شازیہ مری، شیری رحمٰن اور مریم اورنگزیب کا اپنے حق میں قومی اسمبلی میں بولنے پر شکریہ ادا کیا ہے۔حنا ربانی کھر نے اپنے ایک ٹوئٹ میں کہا کہ پاکستان حقیقی اور نتیجہ خیز سفارتکاری پر یقین رکھتا ہے، ڈرامے بازی پر نہیں۔
انہوں نے کہا کہ افغانستان کے ساتھ ہماری رابطہ کاری جغرافیائی اور تاریخی نوعیت کی ہے، دوسروں کی طرح ہم افغانستان کے ساتھ اخلاقی بنیادوں پر رابطہ کاری منقطع کرنے کے متحمل نہیں ہیں۔
Real camaraderie is when people stand for the principles they believe in rather than the person. In the political realm it’s not an everyday occurrence. Heart warming and emboldening to see so many in the National Assembly respond to the bigotry that was on full display
— Hina Rabbani Khar (@HinaRKhar) December 13, 2022
وزیرِ مملکت کا کہنا تھا کہ تاریخ نے سکھایا ہے افغانستان میں جو ہوتا ہے وہ افغانستان تک نہیں رہتا، پاکستان کو دوسروں کے حساب سے نہیں بلکہ اپنے حساب سے افغانستان کے ساتھ روابط رکھنے کی ضرورت ہے۔انہوں نے مزید کہا کہ ہمیں اپنے مقاصد پر توجہ مرکوز رکھنی چاہیے، بن بلائی آراء کے شور میں ڈوبنے کی ضرورت نہیں ہے۔
واضح رہے کہ حنا ربانی کھر کے دورۂ کابل پر قومی اسمبلی میں مولانا عبدالاکبر چترالی نے ایک متنازع بیان دیا تھا تاہم بعد ازاں انہوں نے کابل بھیجنے کا اچھا اثر نہ ہونے کے بیان پر قومی اسمبلی میں معافی بھی مانگی ہے۔
