سعودی عرب میں قومی دن کے موقع پر عام تعطیل کا اعلان کر دیا گیا
عرب جریدے اردو نیوز کے مطابق سرکاری و نجی اداروں کے ملازمین کے لیے قومی دن پر عام تعطیل کا اعلان کیا گیا ہے تا کہ ملازمین قومی دن اپنے اہل و عیال کے ساتھ منا سکیں . یاد ہے سعودی عرب میں قانون محنت و تعطیلات کی جانب سے ایک روز کی تعطیل دی جاتی ہے اور ہر سال 23 ستمبر قومی تعطیل کے طور پر منایا جاتا ہے . چونکہ اس سال 23 ستمبر کو جمعرات کا دن ہے جس کی وجہ سے سرکاری اداروں کے ملازمین 3 چھٹیاں منا سکیں گے . جمعہ اور ہفتہ کو ملک میں ہفت روزہ چھٹی ہوتی ہے . سرکاری ملازمین 26 ستمبر اتوار سے ڈیوٹی پر واپس آئیں گے . . واضح رہے کہ سعودی قانون کے مطابق ہر سال یوم الوطنی کے موقع پر سرکاری اور نجی دونوں شعبہ کے ملازمین کو عام تعطیل دی جاتی ہے اگر چھٹیوں کے درمیان ڈیوٹی کا دن آ جائے تو اس صورت میں مملکت کے سرکاری ملازمین کو اس روز کی بھی چھُٹی دے دی جاتی ہے . گذشتہ سال سعودی عرب میں قومی دن کے موقع پر پبلک سیکٹر ملازمین کو 4 تعطیلات منانے کا موقع مل گیا تھا . سعودی وزارت افرادی قوت و سماجی بہبود کی جانب سے اعلان کیا گیا تھا کہ یوم وطنی کے موقع پر سرکاری اورنجی اداروں و کمپنیوں کے ملازمین کو تعطیل ہو گی . وزارت افرادی وقت کے بیان کے مطابق نجی اداروں اور کمپنیوں کے ملازمین کو 23 ستمبر بروز بُدھ چھُٹی ہو گی جبکہ سرکاری اداروں میں 23 اور 24 ستمبر (بدھ اور جمعرات) کو تعطیل ہو گی . جبکہ 25 اور 26 ستمبر کو ہفتہ وار تعطیلات ہوتی ہیں، یوں سرکاری ملازمین کو ایک ساتھ 4 تعطیلات مل گئی تھیں . تاہم رواں سال سعودی عرب میں ملازمین تین چھٹیوں کا مزا لے سکیں گے . . .
